25 જાન્યુઆરીએ નોન-હોલિડે પર રિલીઝ થયેલ ફિલ્મ હાલ બોક્સ ઓફિસ પર ધમાલ મચાવી રહી છે. ત્રણ દિવસમાં પઠાણે 313 કરોડ રૂપિયાનો આંકડો પાર કરી લીધો છે
'પઠાણ' ફિલ્મે બનાવ્યા કમાણીના નવા રેકોર્ડ
ત્રણ દિવસમાં વિશ્વભરમાં 313 કરોડ રૂપિયાની કમાણી કરી
આટલું છે ફિલ્મના ચોથા દિવસનું કલેક્શન
ફિલ્મ પઠાણ રિલીઝ થઈ ગઈ છે અને લોકોમાં પઠાણ ફિલ્મનો અનોખો ક્રેઝ જોવા મળી રહ્યો છે. શાહરૂખ ખાનની 'પઠાણ' બોક્સ ઓફિસ પર સતત ધમાલ મચાવી રહી છે. જેમાં મિડનાઇટ શો પણ શરૂ કરવામાં આવ્યા હતા. આ સાથે જ ક્યાંક લોકોએ થિયેટરમાં ડાન્સ કરીને તો ક્યાંક ફટાકડા ફોડીને પઠાણના આગમનની ઉજવણી કરી હતી. પઠાણની ધમાકેદાર એન્ટ્રી સાથે થિયેટરોમાં જાણે તેજ ફરી વળ્યું છે. શાહરુખ ખાનની આ ફિલ્મે ન જાણે કેટલા રેકોર્ડ બનાવ્યા છે. હાલ જોતાં લાગી રહ્યું છે કે શાહરૂખની આ ફિલ્મ બોલિવૂડમાં પડેલા દુકાળ માટે રામબાણ સાબિત થઈ છે.
'પઠાણ' ફિલ્મે બનાવ્યા કમાણીના નવા રેકોર્ડ
જણાવી દઈએ કે ફિલ્મે રિલીઝના ત્રણ દિવસમાં 300 કરોડનો આંકડો પાર કરી લીધો છે અને આ ફિલ્મે કમાણીના નવા રેકોર્ડ બનાવ્યા છે. લગભગ 4 વર્ષ પછી મોટા પડદા પર શાહરૂખની વાપસીએ ચાહકોની ઉત્તેજના એક અલગ જ સ્તર પર લઈ ગ્ય હોય એવું લાગી રહ્યું છે. લોકોને કિંગ ખાનનો આ નવો અવતાર ખૂબ જ પસંદ આવી રહ્યો છે. શાહરુખ ખાનની ફિલ્મ માત્ર દેશમાં જ નહીં પણ સમગ્ર વિશ્વમાં ધૂમ મચાવી રહી છે અને દર્શકો મોટી સંખ્યામાં ફિલ્મ જોવા જઈ રહ્યા છે. જણાવી દઈએ કે આ ફિલ્મે ત્રણ દિવસમાં વિશ્વભરમાં 313 કરોડ રૂપિયાની કમાણી કરી લીધી છે.
પઠાણનું ઘરેલુ બોક્સ ઓફિસ કલેક્શન
25 જાન્યુઆરીએ નોન-હોલિડે પર રિલીઝ થયેલ ફિલ્મ હાલ બોક્સ ઓફિસ પર ધમાલ મચાવી રહી છે. ત્રણ દિવસમાં પઠાણે 313 કરોડ રૂપિયાનો આંકડો પાર કરી લીધો છે અને આવું કરનારી તે સૌથી ઝડપી હિન્દી ફિલ્મ બની ગઈ છે. ફિલ્મે પહેલા દિવસે 57 કરોડ, બીજા દિવસે 70.50 કરોડ અને ત્રીજા દિવસે 38 કરોડ કમાણી કરી હતી.
#Pathaan Day 4 All-India Early estimates - ₹ 52 Crs Nett..
જો કે ત્રીજા દિવસે વિશ્વભરમાં કુલ 90 કરોડ રૂપિયાનું કલેક્શન થયું હતું. 3 દિવસ પછી ભારતમાં કુલ ગ્રોસ બોક્સ ઓફિસ કલેક્શન (GBOC) ₹201 કરોડ છે અને કુલ વિદેશી કલેક્શન ₹112 કરોડ છે.
આટલું છે ફિલ્મના ચોથા દિવસનું કલેક્શન
પઠાણે ત્રીજા દિવસે પણ શાનદાર કમાણી કરી છે. શનિવારની રજાથી પઠાણને ઘણો ફાયદો થયો છે. શાહરૂખની ફિલ્મના ચોથા દિવસના આંકડા પણ સામે આવ્યા છે. ટ્રેડ એનાલિસ્ટ રમેશ બાલાના જણાવ્યા અનુસાર પઠાણે ઘરેલુ બોક્સ ઓફિસ પર ચોથા દિવસે લગભગ 52 કરોડ રૂપિયાનું કલેક્શન કર્યું છે અને એ સાથે જ પઠાણનું વર્લ્ડવાઈડ ગ્રોસ કલેક્શન 4 દિવસમાં 400 કરોડને પાર કરી ગયું છે.
#Pathaan crosses ₹ 400 Crs gross at the WW Box office in 4 days..
પઠાણ ફિલ્મ વિશે થોડી જાણકારી
શાહરૂખ ખાન, દીપિકા પાદુકોણ અને જ્હોન અબ્રાહમ પહેલીવાર પઠાણમાં સાથે આવ્યા છે અને આ ફિલ્મ સિદ્ધાર્થ આનંદ દ્વારા લખવામાં અને નિર્દેશિત કરવામાં આવી છે અને યશ રાજ ફિલ્મ્સ દ્વારા બેંકરોલ કરવામાં આવી છે. જણાવી દઈએ કે YRF સ્પાય યુનિવર્સની આ ચોથી ફિલ્મ છે. આ ફિલ્મ 25 જાન્યુઆરી, 2023ના રોજ તમિલ અને તેલુગુમાં ડબ વર્ઝન સાથે રિલીઝ થઈ હતી અને ફિલ્મમાં શાહરૂખ ખાન 'પઠાણ' નામના RAW ફીલ્ડ એજન્ટ તરીકે જોવા મળે છે. નોંધનીય છે કે પઠાણનું સંગીત વિશાલ-શેખરે કમ્પોઝ કર્યું છે અને સ્કોર સંચિત બલ્હારા અને અંકિત બલ્હારાએ કમ્પોઝ કર્યું છે.