શાહરુખ ખાનની ફિલ્મે હવે વધુ એક રેકોર્ડ પોતાના નામે કરી લીધો છે. જણાવી દઈએ કે વર્ષો પછી કાશ્મીર ખીણના થિયેટરોની બહાર હાઉસફુલ સાઈન બોર્ડ લગાવવામાં આવ્યું છે.
શાહરુખ ખાનની ફિલ્મે વધુ એક રેકોર્ડ પોતાના નામે કર્યો
કાશ્મીરમાં 32 વર્ષ બાદ થિયેટરની બહાર હાઉસફુલ સાઈનબોર્ડ
કાશ્મીરમાં આ પહેલા ક્યારેય કોઈ ફિલ્મનો આટલો ક્રેઝ નથી જોવા મળ્યો
ફિલ્મ પઠાણ રિલીઝ થઈ ગઈ છે અને લોકોમાં પઠાણ ફિલ્મનો અનોખો ક્રેઝ જોવા મળી રહ્યો છે. જેમાં મિડનાઇટ શો પણ શરૂ કરવામાં આવ્યા હતા. આ સાથે જ ક્યાંક લોકોએ થિયેટરમાં ડાન્સ કરીને તો ક્યાંક ફટાકડા ફોડીને પઠાણના આગમનની ઉજવણી કરી હતી. પઠાણની ધમાકેદાર એન્ટ્રી સાથે થિયેટરોમાં જાણે તેજ ફરી વળ્યું છે. શાહરુખ ખાનની આ ફિલ્મે ન જાણે કેટલા રેકોર્ડ બનાવ્યા છે. હાલ જોતાં લાગી રહ્યું છે કે શાહરૂખની આ ફિલ્મ બોલિવૂડમાં પડેલા દુકાળ માટે રામબાણ સાબિત થઈ છે.
શાહરુખ ખાનની ફિલ્મે વધુ એક રેકોર્ડ પોતાના નામે કર્યો
આ બધા વચ્ચે શાહરુખ ખાનની ફિલ્મે હવે વધુ એક રેકોર્ડ પોતાના નામે કરી લીધો છે. જણાવી દઈએ કે વર્ષો પછી કાશ્મીર ખીણના થિયેટરોની બહાર હાઉસફુલ સાઈન બોર્ડ લગાવવામાં આવ્યું છે. એનો મતલબ એમ થયો કે શાહરૂખ ખાનની ફિલ્મ 'પઠાણ'ને કાશ્મીરમાં પણ ખૂબ પસંદ કરવામાં આવી રહી છે.
32 વર્ષ બાદ થિયેટરની બહાર હાઉસફુલ સાઈનબોર્ડ
બૉલીવુડના કિંગ કહેવાતા શાહરુખના ફેન્સ દેશના દરેક ખૂણામાં છે એવામાં કાશ્મીરમાં રહેલા એમના ફેન્સ આ ફિલ્મ જોવાથી કેમ પાછળ રહી શકે? જણાવી દઈએ કે 32 વર્ષ બાદ થિયેટરની બહાર હાઉસફુલ સાઈનબોર્ડ લગાવવામાં આવ્યા છે. કાશ્મીરમાં આ પહેલા ક્યારેય કોઈ ફિલ્મનો આટલો ક્રેઝ ચાહકોમાં જોવા મળ્યો નથી, જે શાહરૂખ ખાનની 'પઠાણ' માટે જોવા મળી રહ્યો છે.
'પઠાણ દેશને બાંધીને રાખી રહ્યો છે'
જણાવી દઈએ કે એક થિયેટરની બહાર હાઉસફુલનું બોર્ડ બતાવતા સોશિયલ મીડિયા પર લખવામાં આવ્યું છે કે, 'આજે પઠાણ દેશને બાંધીને રાખી રહ્યો છે. અમે બધા કિંગ ખાનના આભારી છીએ કારણ કે 32 વર્ષ પછી જ્યારે કાશ્મીર ખીણમાં થિયેટરોની બહાર હાઉસફુલ સાઈનબોર્ડ લગાવવામાં આવી રહ્યા છે. શાહરૂખ ખાનનો આભાર. આ સાથે થિયેટર માલિકે દીપિકા પાદુકોણ અને જોન અબ્રાહમ સાથે YRF કંપનીને પણ ટેગ કર્યું છે.
અનેક રેકોર્ડ તોડશે પઠાણ
'પઠાણ' ફિલ્મની ધૂમ ચારેબાજુ જોવા મળી રહી છે અને ફિલ્મે પહેલા દિવસે 55 કરોડની કમાણી કરી લીધી છે. બીજા દિવસની બોક્સ ઓફિસની આગાહીમાં અનુમાન લગાવવામાં આવી રહ્યું છે કે ફિલ્મ 60 કરોડથી વધુની કમાણી કરી શકે છે. જો કે ફિલ્મે કેટલી કમાણી કરી તે તો આવનારા દિવસોમાં જ ખબર પડશે પણ શાહરૂખ ખાન અને દીપિકા પાદુકોણની ફિલ્મને લઈને ચાહકોમાં વધી રહેલો ક્રેઝ જણાવી રહ્યું છે કે 'પઠાણ' એક-બે-ત્રણ નહીં, પરંતુ અનેક રેકોર્ડ તોડશે.