ફિલ્મ જગત / રીલીઝ પહેલા જ Pathaanનો જોરદાર ક્રેઝ: અઢી લાખ એડવાન્સ ટિકિટ બુક, બધા રેકૉર્ડ તૂટશે તેવો અંદાજ

• ફિલ્મ પઠાણનું એડવાન્સ બુકિંગ શરૂ થઈ ગયું
• રિપોર્ટ્સ અનુસાર ફિલ્મની અત્યાર સુધી 15 કરોડ રૂપિયાની ટિકિટ વંહેચાઈ
• પહેલા વીકેન્ડમાં 150-200 કરોડ સુધીનો બિઝનેસ કરી શકે છે પઠાણ 

શાહરૂખ ખાનના ચાહકો પઠાણ ફિલ્મની આતુરતા પૂર્વક રાહ જોઈ રહ્યા છે અને તેની પાછળ ખાસ કારણ એ છે કે આ ફિલ્મથી ચાર વર્ષ જેટલા લાંબા સમય બાદ  શાહરૂખ મોટા પડદા પર હીરો તરીકે ફરી આવી રહ્યો છે. સાથે જ આ ફિલ્મને ભારતની અત્યાર સુધીની સૌથી મોટી એક્શન ફિલ્મ માનવામાં આવી રહી છે. જણાવી દઈએ કે શાહરૂખ ખાન-દીપિકા પાદુકોણની મોસ્ટ અવેટેડ ફિલ્મ પઠાણનું એડવાન્સ બુકિંગ શરૂ થઈ ગયું છે. 

Advance bookings are open, milne zaroor aana on 25th Jan.
Book your tickets for #Pathaan here: https://t.co/KMALwZqFGx | https://t.co/GHjZukqN1S@deepikapadukone | @thejohnabraham | #SiddharthAnand | @yrf pic.twitter.com/IOXx1Ky8RC

— Shah Rukh Khan (@iamsrk) January 20, 2023

પઠાણ તોડશે બધા રેકોર્ડ 
ટ્રેડ એનાલિસ્ટે જણાવ્યું હતું કે એડવાન્સ બુકિંગના પહેલા જ દિવસે કુલ 90,000 ટિકિટ વેચાઈ હતી. એમને જણાવ્યું હતું કે 19 જાન્યુઆરી ગુરુવારે રાત્રે 9 વાગ્યા સુધી,PVRએ 35000 ટિકિટ, INOX 30000 અને Cinepolis 25000 ટિકિટ વેચી છે અને રિલીઝના એક દિવસ પહેલા તે હજુ વધુ વધશે. જણાવી દઈએ કે સિનેપોલિસ, પીવીઆર અને આઇનોક્સ જેવા મોટાભાગના સિનેમા હોલમાં પઠાણ ફિલ્મને પાંચમાંથી ચાર સ્ક્રીન આપવામાં આવી રહી છે અને રિપોર્ટ્સ અનુસાર ફિલ્મની અત્યાર સુધી 15 કરોડ રૂપિયાની ટિકિટ વંહેચાઈ છે. 

2.5 લાખ ટિકિટ વહેંચાઈ 
સિદ્ધાર્થ આનંદ દ્વારા નિર્દેશિત, પઠાણમાં જ્હોન અબ્રાહમ સાથે શાહરૂખ ખાન અને દીપિકા પાદુકોણ મુખ્ય ભૂમિકામાં છે.  નિર્માતા અને ફિલ્મ બિઝનેસ વિશ્લેષક ગિરીશ જોહરના મત અનુસાર પઠાણ બોક્સ ઓફિસ પર રેકોર્ડ બનાવશે. ફિલ્મ પહેલાથી જ 2.5 લાખ ટિકિટના વેચાણને પાર કરી ચૂકી છે.

#Pathaan shatters all the previous records of BMS interests by any Bollywood movie 🔥
List of Top Bollywood Films with BMS interests.
⭐️ #Pathaan-523K and counting
⭐️ #Brahmastra- 425K
⭐️ #Shamshera- 375K
⭐️ #Sooryavanshi- 285K
⭐️ #Zero- 260K
⭐️ #War- 245K#PathaanAdvanceBooking pic.twitter.com/a7wpro6EIq

— taran adarsh ➊ (@taranadarshhu) January 20, 2023

પહેલા વીકેન્ડમાં 150-200 કરોડ સુધીનો બિઝનેસ કરી શકે છે પઠાણ 
ફિલ્મ પઠાણ 25 જાન્યુઆરીએ સિનેમાઘરોમાં રિલીઝ થશે અને ફિલ્મને લઈને ચાહકોમાં જબરદસ્ત ઉત્સાહ જોવા મળી રહ્યો છે. એક રિપોર્ટ અનુસાર શાહરુખ ખાનના એક ચાહકે તો ફર્સ્ટ ડે ફર્સ્ટ શો જોવા માટે આખો સિનેમા હોલ બુક કરાવ્યો હતો. જણાવી દઈએ કે રેકોર્ડ બનાવતા આ ફિલ્મે અત્યાર સુધીમાં કુલ 2 લાખથી વધુ ટિકિટ વેચી છે. આ સાથે જ ટ્રેડ એનાલિસ્ટના મતે શાહરૂખ ખાનની ફિલ્મ રિલીઝ થયા બાદ પહેલા વીકેન્ડમાં 150-200 કરોડ સુધીનો બિઝનેસ કરી શકે છે અને વર્લ્ડ વાઈડ 300 કરોડની કમાણી થવાની સંભાવના પણ વ્યક્ત કરી છે.