બોલીવુડ અભિનેતા શાહરૂખ ખાન એક વખત ફરીથી ચર્ચામાં આવ્યાં છે. શાહરૂખ ખાનની ફિલ્મ પઠાણે બૉક્સ ઑફિસ પર કમાણી મામલે બધા રેકોર્ડ્સ પોતાના નામે કર્યા છે. હવે શાહરૂખ ખાનની ઘડિયાળની તસ્વીરો સોશિયલ મીડિયામાં વાયરલ થઇ રહી છે, જેની કિંમત જાણીને તમારા હોશ ઉડી જશે.
શાહરૂખ ખાન એક ઈવેન્ટમાં વાદળી રંગની ઘડિયાળ પહેરીને દેખાયા
બોલીવુડના કિંગ ખાન કોઈના કોઈ કારણે ચર્ચાનુ કેન્દ્ર બનતા રહે છે. હવે શાહરૂખ ખાનની અમુક તસ્વીરો સોશિયલ મીડિયામાં વધુ વાયરલ થઇ રહી છે, જેમાં તેમણે વાદળી રંગની ઘડિયાળ પહેરી છે. શાહરૂખ ખાનની આ વાદળી રંગની ઘડિયાળની કિંમત જાણીને પ્રશંસકોના હોશ ઉડી ગયા છે.
કરોડોની ઘડિયાળ પહેરે છે શાહરૂખ ખાન
પઠાણ સ્ટાર શાહરૂખ ખાન હાલમાં એક ઈવેન્ટમાં વાદળી રંગની ઘડિયાળ પહેરીને દેખાયા છે. આ વાદળી રંગની ઘડિયાળની કિંમત 4.98 કરોડ જણાવવામાં આવી છે. કરોડોની આ ઘડિયાળ પહેરીને શાહરૂખ ખાન પોતાની ફિલ્મ પઠાણનુ પ્રમોશન કરતા દેખાયા હતા. શાહરૂખ ખાનની મોંઘી ઘડિયાળના કારણથી ઘણા સોશિયલ મીડિયા યુઝર્સ તેમની મજાક પણ ઉડાવી રહ્યાં છે. એક યુઝરે લખ્યું, આ પણ એ જ સમય બતાવશે ને કે પછી કઈક બીજો?. બીજા એક યુઝરે લખ્યું, આટલા રૂપિયામાં તો અમે આખુ આઈલેન્ડ ખરીદી શકીએ છીએ.
શાહરૂખ ખાનની ફિલ્મ પઠાણ બૉક્સ ઑફિસ પર ધમાકેદાર પ્રદર્શન કરી રહી છે. ફિલ્મે અત્યાર સુધી વર્લ્ડવાઈડ 887 કરોડની કમાણી કરી છે. માત્ર ભારતમાં જ પઠાણની કમાણી 450 કરોડને પાર જતી રહી છે. ફિલ્મ શાહરૂખ ખાન સિવાય દીપિકા પાદુકોણ અને જૉન અબ્રાહમની એક્શનના પણ ખૂબ વખાણ થઇ રહ્યાં છે.