શાહરૂખ ખાનની ફિલ્મ 'પઠાણ'નું ટ્રેલર બુર્જ ખલીફા પર દેખાડવામાં આવ્યું હતું. જે સમયે ટ્રેલર દેખાડવામાં આવ્યું તે સમયે શાહરૂખ ખાન પણ ત્યાં હાજર હતાં.
શાહરૂખ ખાનની ફિલ્મ 'પઠાણ'નું ટ્રેલર દુબઈમાં
દુબઈનાં બુર્જ ખલીફા પર દેખાડવામાં આવ્યું ટ્રેલર
શાહરૂખ ખાન પણ રહ્યાં હતાં હાજર
શાહરૂખ ખાન, દીપિકા પાદુકોણ અને જૉન અબ્રાહમની એક્શન થ્રિલર ફિલ્મ 'પઠાણ'નાં ટ્રેલર બુર્જ ખલીફા પર દેખાડ્યું. માહિતી અનુસાર શાહરૂખ ખઆન આ વખતે ઈન્ટરનેશનલ લીગ ટી20 માટે મિડલ ઈસ્ટમાં છે. તે જ વખતે બુર્જ ખલીફા પર પઠાણ ફિલ્મનું ટ્રેલર દેખાડવામાં આવ્યું હતું જેના અનેક વીડિયો પણ વાયરલ થયાં છે.
બુર્જ ખલીફા પર દેખાયા શાહરૂખ
પોતાની આવનારી ફિલ્મ પઠાણનું ટ્રેલર શાહરૂખ ખાને બુર્જ ખલીફા પર પણ નિહાળ્યું. વીડિયોમાં જોઈ શકાય છે કે શાહરૂખ ખાન પોતાની ફિલ્મનું ટ્રેલર જોઈ રહ્યાં છે. તેમણે બ્લેક લેધરનું જેકેટ પહેર્યું છે. ફેન્સ આ વીડિયોને ઘણો પસંદ કરી રહ્યાં છે. એક યૂઝરે તો કહ્યું કે બોલિવૂડનાં બાદશાહ.. તો અન્યએ કહ્યું કે શાહરૂખનું નામ જ પૂરતું છે. તો બીજા યૂઝરે કહ્યું કે તમારા પર ગર્વ છે શાહરૂખ સતત ભારતનું પ્રતિનિધિત્વ કરે છે.
4 વર્ષ બાદ વાપસી
શાહરૂખની ફિલ્મ પઠાણ થોડા સમયથી ઘણી ચર્ચામાં છે. હાલમાં જ આ ફિલ્મનું ટ્રેલર રિલીઝ થયું છે. જેમાં ફેન્સ શાહરૂખનાં લૂક પર ફિદા થઈ રહ્યાં છે. શાહરૂખ ખાન 4 વર્ષ બાદ આ ફિલ્મ સાથે વાપસી કરી રહ્યાં છે. આ પહેલાં તેમણે 2018માં ઝીરો નામક ફિલ્મ કરી હતી.