રાજસ્થાનના કોટા શહેરમાં શાહરૂખ ખાનની ફિલ્મ પઠાણના શોના સમયનો એક વીડિયો વાયરલ થયો છે. અહીં આખો મામલો કોટા સ્ટેશન વિસ્તારના નટરાજ સિનેમાઘરનો છે. અહીં ફિલ્મ જોવા પહોંચેલા બેકાબુ ટોળાએ ખૂબ હોબાળો કર્યો અને કેન્ટીનમાંથી સામાન લૂંટી લીધો.
ફિલ્મ પઠાણના શોના સમયનો એક વીડિયો વાયરલ થયો
ફિલ્મ જોવા પહોંચેલા બેકાબુ ટોળાએ ખૂબ હોબાળો કર્યો
બેકાબુ ટોળાએ કેન્ટીનમાંથી સામાન લૂંટી લીધો
પઠાણ ફિલ્મ હાઉસફૂલ, ટોળાએ કર્યો હોબાળો
દાવો કરાઈ રહ્યો છે કે આ વીડિયો કોટા સ્ટેશન વિસ્તારમાં સ્થિત નટરાજ સિનેમાઘરનો છે. અહીં ગુરૂવારે પઠાણ ફિલ્મ માત્ર 10 મિનિટ ચાલી. ત્યારબાદ થિયેટરની અંદર ખૂબ હોબાળો થયો. દર્શકોએ ખૂબ બૂમો પાડી ત્યાં સુધી કે કેન્ટીનની અંદર લૂંટફાટ પણ કરી. જણાવવામાં આવ્યું છે કે થિયેટરના મેનેજમેન્ટે જરૂરીયાતથી વધુ ફિલ્મની ટીકિટ કાપી અને થિયેટર હાઉસફૂલ થયુ. દર્શકોને બેસવાની જગ્યા પણ ના મળી. એવામાં ફિલ્મ તો ચાલી. પરંતુ માત્ર 10 મિનિટ માટે. ત્યારબાદ બેકાબુ ટોળાએ હોબાળો કર્યો. બાદમાં સ્થિતિ એવી બની કે થિયેટરનો સ્ટાફ અને કેન્ટીનનો સ્ટાફ પોતાની જગ્યા છોડીને ભાગ્યા.
કેન્ટીનમાંથી સામાન પણ લૂંટાયો
થિયેટરનુ મેનેજમેન્ટ હાજર ના હોવાને કારણે ટોળાએ વધુ હોબાળો કર્યો. આ દરમ્યાન ટોળાના અમુક સભ્યોએ કેન્ટીનમાંથી સામાન પણ લૂંટ્યો. ફિલ્મને લઇને ટોળાએ હોબાળો કર્યો. પરંતુ ઘટનાસ્થળે સ્ટાફ ના હોવાથી દર્શકોએ રિફંડ માગ્યુ. ઉલ્લેખનીય છે કે ઘટનાસ્થળે પણ પોલીસ પહોંચી. ટોળા સાથે સમજાવટ પણ કરવામાં આવી. થોડી વાર સમજાવ્યાં બાદ રિફંડની વાત પર સહમતિ બની.