બોલીવુડ / ફિલ્મ 'પઠાણ' પર ચાલી સેન્સર બોર્ડની કાતર! 'બેશરમ રંગ' ગીતમાં કરાયા આ 3 મોટા ફેરફાર, જુઓ શું

• ફિલ્મ 'પઠાણ' વિવાદ વચ્ચે પ્રસૂન જોશીનુ નિવેદન સામે આવ્યું
• ડાયલોગ્સ અને ગીતમાં નિર્માતાએ થોડા ફેરફાર કર્યા છે
• ઓછામાં ઓછા ત્રણ મોટા ફેરફારની વાત સામે આવી

'પઠાણ' વિવાદ વચ્ચે સેન્સર બોર્ડના ચેરમેન પ્રસૂન જોશીનુ નિવેદન

ફિલ્મ પર ચાલી રહેલા વિવાદ વચ્ચે સેન્સર બોર્ડના ચેરમેન પ્રસૂન જોશીનુ નિવેદન પણ આવ્યું કે પઠાણમાં સેન્સરના નિયમો હેઠળ ફેરફાર કરવામાં આવ્યાં છે. હવે રિપોર્ટસ આવી રહ્યાં છે કે સેન્સર બોર્ડના સુચન પર ફિલ્મમાં કેટલાંક મોટા ફેરફાર કરવામાં આવ્યાં છે. બેશરમ રંગ ગીતમાં તો ફેરફાર થયા છે, ફિલ્મના ડાયલોગ્સમાં પણ ઘણા શબ્દ બદલવામાં આવ્યાં છે. 

બેશરમ રંગ ગીતમાં બદલવામાં આવી આ ત્રણ વસ્તુઓ 

પઠાણના બેશરમ રંગ ગીતમાં ઓછામાં ઓછા ત્રણ મોટા ફેરફારની વાત સામે આવી રહી છે. એક રિપોર્ટ મુજબ, બેશરમ રંગમાં દીપિકાના શરીરના અમુક ક્લોજ-અપ શૉટ્સ હટાવવામાં આવ્યાં છે. આ સાથે ગીતમાં 'બહુત તંગ કિયા' લીરિક્સની સાથે આવનારા અમુક સેકસ્યુઅલ વિજ્યુઅલ પણ બદલવામાં આવ્યાં છે અને તેની જગ્યાએ બીજા શોટ લગાવવામાં આવ્યાં છે. બેશરમ રંગમાંથી દીપિકાનો સાઈડ પોઝ પણ હટાવવામાં આવ્યો છે. જો કે, આ જાણકારી સામે આવી નથી કે ગીતમાં દીપિકાના વિવાદીત ભગવા બિકિનીના શૉટ્સ હજી છે કે પછી હટાવી દેવામાં આવ્યાં છે. 

ડાયલૉગ્સમાં ફેરવવામાં આવ્યાં ઘણા શબ્દ 

રિપોર્ટમાં એવુ પણ જણાવવામાં આવ્યું છે કે પઠાણમાં 13 જગ્યા પર PMO (પ્રધાનમંત્રી કાર્યાલય)ને બદલવામાં આવ્યું છે. પ્રધાનમંત્રીને બદલીને પ્રેસિડેન્ટ અથવા મંત્રી કરવામાં આવ્યું છે. કહાની પ્રમાણે તપાસ એજન્સી રૉને બદલીને હમારે ઉપયોગ કરવામાં આવ્યો છે. એક ડાયલોગ ઈસસે સસ્તી સ્કૉચ નહીં મિલીમાં સ્કૉચની જગ્યાએ ડ્રિંક શબ્દ લગાવવામાં આવ્યો છે. પઠાણમાં અશોક ચક્રની જગ્યાએ વીર પુરસ્કાર, એક્સ-કેજીબીની જગ્યાએ એક્સ એસબીયુ અને મિસેજ ભારત માતાની જગ્યાએ હમારી ભારતમાતા પણ કરવાના રિપોર્ટસ છે.