ઈતિહાસ રચ્યો! / Pathaan ની સામે તો KGF2 પણ ફેંકાઇ: બૉયકોટની માંગ વચ્ચે પહેલા જ દિવસે કમાણીએ તોડી નાંખ્યા રેકૉર્ડ

• પઠાણની ધમાકેદાર એન્ટ્રી સાથે થિયેટરોમાં જાણે તેજ ફરી વળ્યું
• પઠાણે કેજીએફ-2 ને પણ ધૂળ ચટાડી
• અત્યાર સુધીની બૉલીવુડની ટોપ ઓપનિંગ ફિલ્મ 

ફિલ્મ પઠાણ ગઈકાલે રિલીઝ થઈ ગઈ છે. લોકોમાં પઠાણ ફિલ્મનો અનોખો ક્રેઝ જોવા મળી રહ્યો છે. જેમાં મિડનાઇટ શો પણ શરૂ કરવામાં આવ્યા હતા. આ સાથે જ ક્યાંક લોકોએ થિયેટરમાં ડાન્સ કરીને તો ક્યાંક ફટાકડા ફોડીને પઠાણના આગમનની ઉજવણી કરી હતી. પઠાણની ધમાકેદાર એન્ટ્રી સાથે થિયેટરોમાં જાણે તેજ ફરી વળ્યું છે. 

#Pathaan Day 1 India 🇮🇳 opening ₹ 54 Crs Nett..

A new All-time record.. 🔥

Early estimates..

— Ramesh Bala (@rameshlaus) January 26, 2023

પઠાણે રચ્યો ઈતિહાસ 
ફિલ્મ જોવા માંતે લોકોમાં જોરદાર ક્રેઝ જોવા મળી રહ્યો છે અને આવું પાગલપન કેમ ન હોય? આખરે કિંગ ખાને 4 વર્ષ બાદ મોટી સ્ક્રીન પર કમબેક કર્યું છે.  પઠાણ બોક્સ ઓફિસ પર રેકોર્ડ તોડી રહી છે. ટ્રેડ એનાલિસ્ટ રમેશ બાલા અનુસાર, પઠાણે પહેલા દિવસે 54 કરોડ રૂપિયાની કમાણી કરી છે. આ સાથે શાહરૂખ ખાનની અત્યાર સુધીની સૌથી મોટી નોન-હોલિડે ઓપનર ફિલ્મ બની ગઈ છે. જો આ આંકડા સાચા છે તો પઠાણે કેજીએફ-2 ને પણ ધૂળ ચટાડી દીધી છે. 

પઠાણે કેજીએફ-2 ને પણ ધૂળ ચટાડી
ભારતીય સિનેમાના ઈતિહાસમાં અત્યાર સુધીનું સૌથી મોટું ઓપનિંગ કલેક્શન KGF: Chapter 2 ના નામે હતું. જણાવી દઈએ કે KGF 2 ના હિન્દી વર્ઝને પહેલા દિવસે 53.95 કરોડ રૂપિયાનું કલેક્શન કર્યું હતું. KGF ચેપ્ટર 2 પછી, બોલિવૂડની સૌથી મોટી ઓપનિંગ કલેક્શન ફિલ્મ વોર હતી. ફિલ્મ વોર એ પહેલા દિવસે રૂ. 53.35 કરોડના આંકડાને સ્પર્શ કર્યો હતો પણ પઠાણે પ્રથમ દિવસની કમાણીમાં ભારતીય સિનેમાની આ મોટી ફિલ્મોની ધૂળ ચાટવી છે. જણાવી દઈએ કે પઠાણે પહેલા દિવસે 54 કરોડની કમાણી કરીને અત્યાર સુધીની સૌથી મોટી ઓપનર ફિલ્મ બનીને ઈતિહાસ રચ્યો છે. 

#Pathaan at national chains… Day 1… Update: 3 pm.#PVR: 9.40 cr #INOX: 7.05 cr #Cinepolis 3.90 cr
Total: ₹ 20.35 cr
EXTRAORDINARY.

Better than #War [₹ 19.67 cr]. pic.twitter.com/Nx5pNtBN9E

— taran adarsh (@taran_adarsh) January 25, 2023

અત્યાર સુધીની બૉલીવુડની ટોપ ઓપનિંગ ફિલ્મ 
1. વોર - રૂ 53.35 કરોડ  
2. ઠગ્સ ઓફ હિન્દુસ્તાન - રૂ 52.25 કરોડ 
3. હેપ્પી ન્યુ યર -રૂ 44.97 કરોડ 
4. ભારત - રૂ 42.30 કરોડ
 5. પ્રેમ રતન ધન પાયો - રૂ 40.35 કરોડ 

'પઠાણ'એ થોડા કલાકોમાં જ કરી લીધી હતી કરોડોની કમાણી 
શાહરૂખ ખાનની ફિલ્મ 'પઠાણ'એ રિલીઝના થોડા કલાકોમાં જ રેકોર્ડ તોડી નાખ્યા હતા. ટ્રેડ એનાલિસ્ટ તરણ આદર્શ અનુસાર, ફિલ્મે શાનદાર પ્રદર્શન કર્યું હતું. એવું કહેવામાં આવી રહ્યું છે કે જો PVR, Inox અને Cinepolisની કુલ કમાણી કરવામાં આવે તો 'પઠાણ'એ રિલીઝના પહેલા દિવસે બપોરે 3 વાગ્યા સુધી લગભગ 20 કરોડની કમાણી કરી હતી અને 8.15 વાગ્યા સુધીમાં પઠાણની કમાણી 25.05 કરોડ સુધી પહોંચી ગઈ હતી. 

#OneWordReview...#Pathaan: BLOCKBUSTER.
Rating: ⭐️⭐️⭐️⭐️½#Pathaan has it all: Star power, style, scale, songs, soul, substance and surprises… And, most importantly, #SRK, who’s back with a vengeance… Will be the first #Blockbuster of 2023. #PathaanReview pic.twitter.com/Xci1SN72hz

— taran adarsh (@taran_adarsh) January 25, 2023

આઠ હજાર સ્ક્રીન પર રિલીઝ થઈ પઠાણ 
શાહરૂખ ખાનની 'પઠાણ' ફિલ્મે ખરેખર ઈતિહાસ રચી દીધો છે. ચાહકોની અંદર કિંગ ખાનની ફિલ્મ જોવાની ઉત્તેજના જોઈને YRFના નિર્માતાઓએ મોડી રાતના શો શરૂ કરવા પડ્યા છે. આ સાથે બીજા દિવસે સવારે શો પણ લંબાવવામાં આવ્યા છે. હાલની સ્થિતિને જોતા એવું લાગે છે કે,  26 જાન્યુઆરીની રજા સંપૂર્ણ રીતે પઠાણના નામે રહેશે. પઠાણ ફિલ્મની સ્ક્રીનની વાત કરીએ તો અત્યાર સુધી આ ફિલ્મ દુનિયાભરમાં આઠ હજાર સ્ક્રીન પર રિલીઝ થઈ છે.