સોશિયલ મીડિયા થકી મિત્રતા કેળવીને ફોસલાવી ભાણીને, મામાએ એક-બે નહી પરંતુ ચાર વાર આચર્યુ દુષ્કર્મ
મામા-ભાણીના સંબંધને લાગ્યો ડાઘ
સોશિયલ મીડિયાથી આવ્યા સંપર્કમાં
લગ્નની લાલચ આપી સંબંધ બાંધ્યો
માતાને જાણ થતાં ફૂટ્યો ભાંડો
ફરી એકવાર લોહીના સંબંધો લજવાયા. મામાએ જ ભાણી ઉપર નજર બગાડી. વાત છે અમદાવાદના ઠક્કરનગરની. જ્યાં કૌટુંબિક ભાણીને મામાએ પ્રેમજાળમાં ફસાવીને લગ્નની લાલચ આપીને દુષ્કર્મ આચર્યું. કેવી રીતે સમગ્ર ઘટનાનો ભાંડો ફૂટ્યો આવો જાણીએ વિગતવાર..
મામા-ફઇના દિકરાએ જ ભાણી પર આચર્યુ દુષ્કર્મ
પોલીસ કસ્ટડીમા બુરખામા જોવા મળતો આરોપીએ કલંકિત મામા છે.. જેણે પોતાની કૌટુંબીક ભાણીને પ્રેમજાળમા ફસાવી અને લગ્નની લાલચ આપીને દુષ્કર્મ આચર્યુ..ઠક્કર નગરમાં 38 વર્ષીય મહિલા ભાડાના મકાનમાં 14 વર્ષથી તેના બાળકો સાથે રહે છે. તેના પતિનું પાંચ વર્ષ પહેલાં અવસાન થયું હતું. આ મહિલાને સંતાનમાં બે દીકરા અને બે દીકરી છે. તેની દિકરીએ થોડા સમય પહેલા જ તેની માતાના મોબાઇલમાં ઇન્સ્ટાગ્રામ ડાઉનલોડ કરીને તેનો ઉપયોગ કરતી હતી. જેમાં એક યુવકના અવારનવાર મેસેજ આવતા હતા. માતાએ આ મેસેજ તેના દિકરાને બતાવતા સમગ્ર કૌભાંડનો પર્દાફાશ થયો હતો.
સોશિયલ મીડિયા પર મિત્રતા કેળવી
પોલીસ જાપ્તામાં ઉભેલો આ આરોપી લેગીન્સ બનાવવાનું કામ કરે છે અને તે છ મહિના પહેલા મહિલાના ઘરે કામથી આવ્યો હતો. તેની 17 વર્ષની દિકરીને સોશિયલ મીડિયામાં એક્ટિવ જોતા તેણે તેની સાથે મિત્રતા કેળવી અને વાતચીત શરૂ કરી. પરંતુ માતાનો ફોન હોવાથી વધુ વાતચીત નહિ થતા આરોપીએ સગીરાને મોબાઈલ લઈને આપ્યો હતો.. આ મોબાઈલ અને ઈન્સ્ટાગ્રામમા આરોપીના મેસેજ મળી આવતા પ્રેમસંબંધનો ભાડો ફુટયો.. આરોપી સગીરાના પિતા ની ફોઈના દીકરાનો દીકરો જ નીકળ્યો. કૌટુંબિક મામા હોવા છતા આરોપીએ સગીરાનુ શોષણ કર્યુ..
ચાર વખત સગીરા જોડે આચર્યુ દુષ્કર્મ
આ મામલે ભાંડો ફૂટતા માતાએ સગીરાને પૂછપરછ કરી. જેમાં સગીરાએ એક વાર નહીં પરંતુ ચાર વખત દુષ્કર્મ આચર્યુ હોવાનો ખુલાસો કર્યો. જેથી સમગ્ર બાબતને લઈને સગીરાની માતાએ ફરિયાદ નોંધાવતા પોલીસે ગુનો નોંધી આરોપીની ધરપકડ કરીને વધુ તપાસ હાથ ધરી છે.