IND vs SL / પટેલ-પંડ્યાએ મેદાન પર મચાવ્યો તરખાટ: સૂર્યકુમારનું શાનદાર પ્રદર્શન, જુઓ ન્યૂ ટીમ ઈન્ડિયાના 5 હીરો

• ટીમ ઈન્ડિયા એ શ્રીલંકા સામેની T20 શ્રેણી 2-1થી જીતી લીધી હતી
• ટીમ ઈન્ડિયા એ છેલ્લી મેચમાં 91 રને જીત મેળવી હતી
• આ 5 ખેલાડીઓ એ શ્રીલંકા સામેની T20 સીરિઝમાં શાનદાર પ્રદર્શન કર્યું હતું

હાર્દિક પંડ્યાના નેતૃત્વમાં ટીમ ઈન્ડિયા શાનદાર પ્રદર્શન કરીને શ્રીલંકા સામેની T20 શ્રેણી 2-1થી જીતી લીધી હતી અને ટીમ ઈન્ડિયાએ શનિવારે રાજકોટમાં રમાયેલી સીરિઝની ત્રીજી અને છેલ્લી મેચમાં 91 રને જીત મેળવી હતી. જણાવી દઈએ કે ભારતે T20 સીરિઝની પહેલી મેચ 2 રને જીતી હતી જ્યારે બીજી મેચમાં શ્રીલંકાએ 16 રને જીત મેળવી હતી પણ સીરિઝની ત્રીજી મેચ એકતરફી રહી હતી. 

Picture perfect! 📷 #TeamIndia pic.twitter.com/N68FerBHOk

— BCCI (@BCCI) January 7, 2023

આ T20 સીરિઝની જીત ટીમ ઈન્ડિયા માટે ઘણી અલગ અને મહત્વની હતી કારણ કે વિરાટ કોહલી, રોહિત શર્મા, કેએલ રાહુલ, ભુવનેશ્વર કુમાર જેવા વરિષ્ઠ ખેલાડીઓને આ સીરિઝમાં સામેલ કરવામાં આવ્યા નહતા અને આવી સ્થિતિમાં યુવા ખેલાડીઓને તક મળી અને શાનદાર પ્રદર્શન કરીને એમને જણાવી દીધું છે કે ટીમ ઈન્ડિયાનું ભવિષ્ય સુરક્ષિત હાથમાં છે. આજે અમે તમને એવા પાંચ ખેલાડીઓ વિશે  જણાવવા જઈ રહ્યા છીએ જેમણે શ્રીલંકા સામેની T20 સીરિઝમાં શાનદાર પ્રદર્શન કર્યું હતું.

1. અક્ષર પટેલ: 
ડાબા હાથના સ્પિન બોલિંગ ઓલરાઉન્ડર અક્ષર પટેલે રવિન્દ્ર જાડેજાની ગેરહાજરી મહેસુસ નહતી થવા દીધી. જણાવી દઈએ કે ત્રણ મેચોની આ T20 સિરીઝમાં અક્ષર પટેલે 117 રન બનાવ્યા અને 3 વિકેટ લીધી છે. જેમાં બીજી T20 મેચમાં અક્ષર પટેલે કરેલી વિસ્ફોટક બેટિંગ કરી હતી અને અક્ષરના ઓલરાઉન્ડ પ્રદર્શનને કારણે અક્ષર પટેલને પ્લેયર ઓફ ધ સિરીઝ તરીકે પણ પસંદ કરવામાં આવ્યો હતો.

Starting the year right 🏆🇮🇳 pic.twitter.com/Kb46lOALhT

— Surya Kumar Yadav (@surya_14kumar) January 7, 2023

2. સૂર્યકુમાર યાદવ: 
દુનિયાના નંબર-1 T20 બેટ્સમેન સૂર્યકુમાર યાદવનું શાનદાર ફોર્મ આ સીરિઝમાં પણ જોવા મળ્યું જતું. જણાવી દઈએ કે સૂર્યાએ ત્રણ મેચમાં 85ની એવરેજ અને 175.25ના સ્ટ્રાઈક રેટથી 170 રન બનાવ્યા હતા. આ સીરિઝમાં તેના બેટમાંથી એક સદી અને અડધી સદી નીકળી હતી. સૂર્યાએ આ સિરીઝમાં 12 સિક્સર અને 11 ફોર ફટકારીને સૌથી વધુ રન બનાવનાર બેટ્સમેન બની ગયો હતો. 

A proud Captain @hardikpandya7 collects the trophy as #TeamIndia win the T20I series 2-1.#INDvSL @mastercardindia pic.twitter.com/hzpOrocYjU

— BCCI (@BCCI) January 7, 2023

3. ઉમરાન મલિકઃ 
ફાસ્ટ બોલર ઉમરાન મલિક માટે આ સિરીઝ શાનદાર રહી હતી. જણાવી દઈએ કે ઉમરાન મલિકે ત્રણ મેચમાં 15.14ની એવરેજથી સાત વિકેટ લીધી હતી અને આ દરમિયાન ઉમરાન મલિકે તેની બોલિંગથી શ્રીલંકાના ખેલાડીઓને ખૂબ જ પરેશાન કર્યા હતા. 

4. શિવમ માવીઃ 
ફાસ્ટ બોલર શિવમ માવીએ આ સીરિઝ દ્વારા જ ઈન્ટરનેશનલ ડેબ્યૂ કર્યું હતું. જણાવી દઈએ કે મુંબઈમાં રમાયેલી પ્રથમ મેચમાં શિવમ માવીએ ચાર વિકેટ લઈને ડ્રીમ ડેબ્યુ કર્યું હતું. જોકે શિવમ માવી આગલી બે મેચમાં વિકેટ લઈ શક્યો નહોતો. પણ માવી એ બીજી T20 મેચમાં તેણે કેટલાક શાનદાર શોટ્સ ફટકારીને આ સાબિત કરી દીધું હતું કે તે ટીમ ઈન્ડિયામાં જગ્યા મેળવવા માટે સક્ષમ છે. 

5. હાર્દિક પંડ્યા: 
કેપ્ટન હાર્દિક પંડ્યાએ આ સીરિઝમાં ત્રણ વિકેટ લેવા ઉપરાંત 45 રન બનાવ્યા હતા. આ સાથે જ તેની કેપ્ટન્સી શાનદાર હતી અને કેટલાક રસપ્રદ નિર્ણયો જોવા મળ્યા હતા. ઉદાહરણ તરીકે સીરિઝની પહેલી T20 મેચમાં તેણે અક્ષર પટેલને છેલ્લી ઓવર આપી હતી જ્યારે ત્રીજી T20માં એમને ટોસ જીતીને પ્રથમ બેટિંગ કરવાનો નિર્ણય લીધો હતો. હાર્દિકની કપ્તાનીમાં આ સતત ત્રીજી T20 સીરિઝ ટીમ ઈન્ડિયાએ જીતી હતી.આ પહેલા હાર્દિકે આયર્લેન્ડ અને ન્યુઝીલેન્ડના પ્રવાસમાં ટીમને જીત અપાવી હતી.