બાબા રામદેવની પતંજલિ હવે વેચશે દૂધ-દહીં સહિતની ડેરી પ્રોડક્ટ્સ

યોગ ગુરુ બાબા રામદેવની કંપની પતંજલિ હવે ડેરી સેક્ટરમાં પણ એન્ટ્રી કરવા જઇ રહી છે. કંપનીએ પોતાની ડેરી પ્રોડક્ટ્સને દેશના ચાર રાજ્યોમાં લોન્ચ કરવા જઇ રહી છે. આ સિવાય નાના બાળકો માટે કંપની ડાયપર પણ લોન્ચ કરી રહી છે.

દૂધ-દહીંથી લઇને ફ્રોઝન વટાણા સુધી:
પંતજલિ ડેરી સેક્ટરમાં જે પ્રોડક્ટ્સ લોન્ચ કરવાનું પ્લાન કરી રહી છે તેમાં દૂધ દહીં પનીર છાશ અને ફ્રોઝન વટાણા શામેલ છે. કંપનીએ દાવો કર્યો છે કે તમામ પ્રોડક્ટ્સમાં કોઇ પણ પ્રકારનું ભેળસેળ નથી અને શુદ્ઘ પ્રોડક્ટ્સ મળશે. પંતજલિ આર્યુવેદના પ્રવક્તા અનુસાર લોકોને ગાયનું શુદ્ઘ દૂધ અને તેમાંથી બનેલી પ્રોડક્ટ્સ ખૂબ જ ઓછી કિંમત પર મળશે.

આ રાજ્યોમાં શરૂ થશે વેચાણ:
જે રાજ્યોમાં કંપનીએ પોતાની પ્રોડક્ટ્સનું વેચાણ સૌથી પહેલા શરૂ કરશે તેમાં દિલ્હી રાજસ્થાન મહારાષ્ટ્ર અને હરિયાણા શામાલે છે. પતંજલિની મુખ્ય સરખામણી અમૂલ મધર ડેરી સરસ નમસ્તે ઇન્ડિયા ગોપાલજી પારસ જેવી કંપનીઓની સાથે થશે. દૂધની કિંમત અન્ય કંપનીઓની સરખામણીએ 1-2 રૂપિયા પ્રતિ લિટર ઓછી હશે.

આ પ્રોડક્ટ્સને કંપની હાલમાં પતંજલિ ચિકિત્સાલય અને આરોગ્ય કેન્દ્રો પર ઉપલબ્ધ કરાવશે. આ સિવાય અન્ય દુકાનદારોની મદદથી પણ કંપની પોતાની આ ડેરી પ્રોડક્ટ્સનું વેચાણ કરશે. જોકે આ પ્રોડક્ટ્સ સૌથી પહેલા તે લોકોને મળશે જે લોકોએ રજિસ્ટ્રેશન કરાવ્યું હોય.

બાળકો માટે લોન્ચ કર્યુ ડાયપર:
કંપનીએ 0-4 વર્ષ સુધીના નાના બાળકો માટે ડાયપર પણ લોન્ચ કરી દીધા છે જે દેશભરમાં મળશે. આ સિવાય કંપનીઓ મહિલાઓ માટે સેનેટરી નેપકિન પણ ટૂંક સમયમાં લોન્ચ કરવા જઇ રહી છે. જેની કિંમત એવી રાખવામાં આવશે જેનો ગરીબ લોકો પણ લાભ લઇ શકે.

ઓક્ટોબરમાં મળશે જીન્સ:
ઓક્ટોબર સુધી પંતજલિ રેડીમેડ ગાર્મેન્ટ્સનો બિઝનેસ શરૂ કરશે. પતંજલિના એમડીએ જણાવ્યુ કે પંતજલિ રેડીમેડ ગાર્મેન્ટ્સ સેક્ટરમાં ઉતરશે અને ઓક્ટોબરમાં દેશભરમાં સ્ટોર્સ શરૂ કરશે જેમાં જીન્સ સિવાય અન્ય કપડાંઓ પણ મળશે. આ સ્ટોરનું નામ પરિધાન હશે.