મોટો ખુલાસો / બાબા રામદેવની પતંજલિનું બ્રાન્ડેડ ઘી ભેળસેળ અને સ્વાસ્થ્ય માટે હાનિકારક: ટેસ્ટીંગમાં સેમ્પલ થયા ફેલ

• બાબા રામદેવની પ્રખ્યાત બ્રાંડ પતંજલિના ઘીના સેમ્પલ લેબમાં ફેલ થયા
• પતંજલિ વિરુદ્ધ કોર્ટમાં ફરિયાદ દાખલ થઈ
• ઘીમાં ભેળસેળ અને સ્વાસ્થ્ય માટે હાનિકારક હોવાનો થયો ખુલાસો

બાબા રામદેવની ખ્યાતનામ કંપની પતંજલિ બ્રાંડ ગાયના ઘીના સેમ્પલ ફેલ થઈ ગયા છે. આ સેમ્પલ ઉત્તરાખંડ રાજ્યની પ્રયોગશાળા બાદ કેન્દ્રીય લેબોરેટરીમાં પણ સેમ્પલ ફેલ થયા છે. જે બાદ ટિહરીના ખાદ્ય સંરક્ષણ અને ઔષધિ વિભાગ દ્વારા પતંજલિ કંપની વિરુદ્ધ એડીએમ કોર્ટમાં અપીલ દાખલ કરવામાં આવી છે.

બાબા રામદેવની ખ્યાતનામ બ્રાંડ પતંજલિ ઘીના સેમ્પલ ખાદ્ય સંરક્ષણ અને ઔષધિ વિભાગ દ્વારા વર્ષ 2021માં દિવાળીના પર્વ પર ટિહરીના ધનસાલીમાં એક દુકાનમાંથી સેમ્પલ ભરવામાં આવ્યા હતા. જે બાદ સેમ્પલને રાજ્યની પ્રયોગશાળામાં તપાસ માટે મોકલવામાં આવ્યા હતા, જ્યાં સેમ્પલ ફેલ થઈ ગયા હતા. જે બાદ ખાદ્ય સંરક્ષણ વિભાગ દ્વારા કંપનીને નોટિસ જાહેર કરી તો, કંપનીએ રાજ્યની લેબોરેટ્રીના રિપોર્ટને ખોટો ગણાવી દીધો હતો. 

જે બાદ ફરીથી ખાદ્ય સંરક્ષણ વિભાગ દ્વારા કેન્દ્રીય પ્રયોગશાળામાં સેમ્પલ મોકલવામાં આવ્યા તો, કેન્દ્રીય લેબોરેટરીમાં પણ બાબા રામદેવની પતંજલિ બ્રાંડનું ઘી ફેલ થયું હતું. જે બાદ ખાદ્ય સંરક્ષણ વિભાગની કંપની વિરુદ્ધ ટિહરીના એડીએમ કોર્ટમાં અપીલ દાખલ કરવામાં આવી રહી છે. ખાદ્ય સંરક્ષણ અધિકારી એમએન જોશીએ કહ્યું કે, પ્રયોગશાળાનો રિપોર્ટ અનુસાર, પતંજલિ ઘીમાં ભેળસેળ અને ઘીના માપદંડો યોગ્ય ન મળવા અને સ્વાસ્થ્ય માટે તે હાનિકારક ગણાવ્યું છે.