સિંચાઇનું પાણી નહીં મળતા ખેડૂતો આકરા પાણીએ અર્ધનગ્ન થઇ દર્શાવ્યો વિરોધ

પાટણમાં ખેડૂતોએ ફરી એક વખત સિંચાઈ માટે પાણીની માંગ ઉઠાવી છે. ખેડૂત અગ્રણી સાગર રબારી સહિત ખેડૂત આગેવાનોએ અર્ધનગ્ન અવસ્થામાં વિરોધ નોંધાવ્યો છે.

સિંચાઈના પાણી માટે 25 ગામના ખેડૂતો એકઠાં થયા હતા અને પંપીંગ સ્ટેશન પર હોબાળો મચાવ્યો હતો. પોલીસે આવીને ખેડૂતોએ અટકાવવાનો પ્રયાસ કરતા ખેડૂતોએ રામધૂન બોલાવીને વિરોધ પ્રદર્શન કર્યું હતું.
 

#BREAKING#Patan
ખેડૂત અગ્રણી સાગર રબારી સહિતના ખેડૂત અગેવાનો થયા અર્ધનગ્ન
સિંચાઇ ના પાણી માટે 25 ગામના ખેડૂતો થયા એકઠા
અર્ધનગ્ન હાલતમાં વિરોધ કરી પંપિંગ સ્ટેશને કર્યો હોબાળો
મોટી સંખ્યામાં પોલીસ આવી પહુંચી
ખેડૂતો બેઠા ધરણા પર બોલાવી રામધૂન #FarmersProtest pic.twitter.com/loV44MQYOL

— VTV Gujarati News (@VtvGujarati) December 3 2018

ઉલ્લેખનીય છે કે આ પહેલા બનાસકાંઠામાં થરાદના વજેગઢના ગ્રામજનોના પાણીની સમસ્યાને લઈ હાલાકીને લઇને પરેશાન થઇ ગયા હતા. છેલ્લા એક વર્ષથી પાણી નહી મળતા ગ્રામજનોમાં ભારે રોષ જોવા મળ્યો છે.વારંવાર રજૂઆત બાદ પણ ઉકેલ ન આવતા ગ્રામજનો એકઠા થયા હતાં. રોષે ભરાયેલા ગ્રામજનોના પાણી પુરવઠાની ઓફીસ પર પહોચ્યા હતા અને પોતાના વિરોધ નોંધાવ્યો હતો.
 
ત્યારે આજરોજ પાટણના ખેડૂતોએ ફરીએક વખત પાણી મામલે પોતાના વિરોધ દર્શાવ્યો હતો. ખેડૂતોએ સ્થાનિક અગ્રણી સાગર રબારી સહિત ખેડૂત આગેવાનોએ અર્ધનગ્ન અવસ્થામાં વિરોધ નોંધાવ્યો હતો. તેમની સાથે આસપાસના 25 ગામના લોકો એકઠાં થયાં હતા અને પંપીગ સ્ટેશન પર જઇને રામધૂન બોલાવી હતી.