સણસણતો સવાલ / મહારાષ્ટ્ર સરકાર દેવું માફ કરે તો ગુજરાતના ખેડૂતોને દેવામાફી કેમ નહીં?

• પાટણ કોંગ્રેસના ધારાસભ્યએ કિરીટ પટેલે લખ્યો CMને પત્ર 
• ખેડૂતોનું બે લાખ રૂપિયાનું દેવું માફ કરવા લખ્યો પત્ર
• વરસાદ અને તીડથી ખેડૂત લાચાર બન્યો હોવાનો પત્રમાં ઉલ્લેખ
• બીજા રાજ્યોમાં દેવું માફ થયુ હોય તો આપણી સરકાર કેમ નહીં?

પાટણ કોંગ્રેસના ધારાસભ્યએ ખેડૂતોનું દેવું માફ કરવા સીએમ રૂપાણીને પત્ર લખ્યો છે. વરસાદ અને તીડથી ખેડૂત લાચાર બન્યો હોવાનો પત્રમાં ઉલ્લેખ કરાયો છે. કિરીટ પટેલે પત્રમાં લખ્યું છે કે જો બીજા રાજ્યમાં દેવું માફ થયું હોય તો આપણી સરકાર કેમ ન કરી શકે?

પાટણના ધારાસભ્ય કિરિટી પટેલે લખ્યો પત્ર

દેશમાં ગુજરાત મોડેલની વાત ચાલી રહી છે. ગુજરાત એ અન્ય રાજ્યોની સરખામણીમાં સધ્ધર રાજ્ય છે તેવી સરકાર વાતો કરે છે. છેલ્લા બે વર્ષથી ખેડુતોની પરિસ્થિતિ સરકાર સારી રીતે જાણે છે. ગઈ સાલ વરસાદ નહી પડવાને લીધે અને આ વર્ષે વધુ વરસાદને કારણે ખેડૂતોની સ્થિતિ કફોડી બની છે. કમોસમી વરસાદ અને ઉત્તર ગુજરાતમાં તીડના આક્રમણને કારણે ગુજરાતના ખેડૂતોની હાલત કફોડી બની છે. ગુજરાતનો ખેડૂત આપઘાત કરી રહ્યો છે. લાચાર ખેડૂતને સરકારનો જ સહારો છે સરકારે તેમનું દેવું માફ કરવું જોઈએ. 

બનાસકાંઠામાં તીડ પડ્યા

બનાસકાંઠા બાદ હવે મહેસાણામાં પણ તીડનો કહેર જોવા મળ્યો છે. મહેસાણાના સતલાસણા તાલુકાના 10 જેટલા ગામમાં તીડનો આતંક છે. ઉમરી, ચેલાણા, તખતપુર, રાણપુર ,ખારી, મહમદપૂરામાં તીડની અસર જોવા મળી રહી છે. તીડના કારણે ખેડૂતોએ વાવેલા પાકને ભારે નુકસાન થયુ છે. પવનની દિશા જે તરફ હોય તે તરફ તીડ આગળ વધીશકે છે. અગાઉ બનાસકાંઠામાં પણ તીડનો આતંક જોવા મળ્યો હતો. તીડના કારણે ખેડૂતોએ અનેક નુસખા અપનાવ્યા હતા. ખેડૂતો દ્વારા ડીજી અને થાળીઓ વગાડીને તીડને ભગાવવામાં આવી રહ્યા છે.

બનાસકાંઠામાં તીડ ભગાડવાં 

બનાસકાંઠામાં તીડનો આતંક યથાવત છે. ત્યારે ડીસામાં તીડને ભગાડવા માટે અવનવા નવતર પ્રયોગ કરવામાં આવી રહ્યાં છે. ડીસામાં ડીજે વગાડી અને તીડને ભગાડવાના પ્રયાસ કરવામાં આવી રહ્યાં છે. ખેતરમાં લાઉડ સ્પીકર રાખી અને ગીતો વગાડવામાં આવી રહ્યાં છે જેના અવાજથી તીડ ભાગી જાય. આ ઉપરાંત ખેડૂતો દ્વારા વાસણ, ટ્રેક્ટરથી ધુમાડા કરવામાં આવી રહ્યા છે. અને તીડને ભગાડવામાં આવી રહ્યાં છે