વિવાદ / CM રૂપાણી સામે ધારાસભ્યોના અસંતોષનો ચરૂ ફરી ઉકળ્યો, પાટણના MLAની ભુખ હડતાળ કરવાની ચિમકી

• પાટણના ધારાસભ્ય કિરિટ પટેલે પત્ર લખી CMને ચિમકી આપી
• ચીમકી આપતો વીડિયો પણ વાયરલ થયો છે 
• હાંસાપુર પમ્પિંગ સ્ટેશન ચાલું કરવા માંગને લઈને 

પાટણના ધારાસભ્ય કિરીટ પટેલની ચિમકીનો વીડિયો વાયરલ થયો છે. વીડિયોમાં તેઓ હાંસાપુર પમ્પિગ  સ્ટેશનને તાત્કાલિક ચાલું કરવા માટે માંગણી કરી રહ્યાં છે.

ભૂખ હડતાલની આપી ચીમકી

માંગણી ન સંતોષાતા તેઓએ સીએમ રૂપાણીની ઓફિસ સામે ભૂખ હડતાલ પર ઉતરવાની ચીમકી આપી છે. તેઓએ 11 ફેબ્રુઆરી સુધીનું એલ્ટીમેટમ આપતાં 11 ફેબ્રુઆરી સુધીમાં કામ ચાલુ નહીં થાય તો ગાંધી ચિંધ્યા માર્ગે ઉપવાસ પર ઉતરવાની ચીમકી ઉચ્ચારી છે.

ભાજપના ધારાસભ્યો પણ કરે છે વિરોધ

કેતન ઈનામદાર, મધુ શ્રીવાસ્તવ સહિતના ભાજપના જ ધારાસભ્યો અગાઉ ભાજપના નેતાઓ અને કી પર્સન એટલે કે, મુખ્યમંત્રીનો વિરોધ કરતા જોવા મળી રહ્યા છે. આ અસંતોષ ભાજપના ભંગાણનું અથવા તો નવા નેતાના ઉદયનું કારણ બનશે તેવી ચર્ચા હાલ રાજકિય જગતમાં પૂરજોશમાં ચાલી રહી છે. 

શું મુખ્યમંત્રી બદલાશે?

CM રૂપાણી વિરૂધ્ધ પક્ષના જ કાર્યકરો અને ધારાસભ્યો દ્વારા ઉઠતો સૂર તેમના અસ્તાચળ તરફ આંગળી ચિંધતો હોવાનું પણ ભાજપ અને કોંગ્રેસના કાર્યકરો વચ્ચે ચર્ચાનું કારણ બન્યુ છે.