કાર્યવાહી / ન્યૂડ વીડિયોના ષડયંત્રમાં સપડાયા પાટણના તબીબ, પોલીસને જાણ કર્યા બાદ થઇ જોયા જેવી

• પાટણમાંથી ઝડપાઈ રૂપિયા ખંખેરતી ગેંગ
• ડૉક્ટર પાસેથી ખંડણી માંગી આપી મારી નાંખવાની ધમકી
• પોલીસે 3 આરોપીની કરી ધરપકડ

પાટણમાં તબીબને વોટ્સએપ વીડિયો કોલ કાર્ય બાદ તને લલચાવી ટોળકીએ ન્યૂડ વીડિયો બનાવી લીધો હતો. ત્યારબાદ આ વીડિયો સોશિયલ મીડિયામાં વાયરલ કરવાની ધમકી આપી આરોપી ટોળકીએ તબીબ પાસેથી રૂપિયાની માંગણી કરી હતી એટલું જ નહી જાનથી મારી નાખવાની પણ ધમકી આપી હતી. આ મામલે પોલીસને જાણ કરાયા બાદ બ્લેકમેઇલ કરતી ટોળકીને દબોચી લેવામાં પાટણ એલ.સી.બી. પોલીસને સફળતા સાંપડી છે. પોલીસે ત્રણ આરોપીઓને ઝડપી લઇ તપાસના ચક્રો ગતીમાન કર્યા છે.

ગુનામાં સંડોવાયેલ ત્રણ આરોપીઓને પોલીસે દબોચી લીધા 
પાટણના એક ડૉકટર સાથે આ ઘટના બની હતી. જેમાં તેમને વૉટ્સએપ વીડિયો કોલ કરી લલચાવીને ન્યૂડ વીડિયો બનાવી અરીપીઓએ રૂપિયા 5 લાખની માંગણી કરી હતી. જો રૂપિયા નહી આપે તો જાનથી મારી નાખવાની ધમકી પણ આપી હતી. ત્યારબાદ તબીબે પોલીસનો સંપર્ક સાધતા પોલીસે ટેકનીકલ એનાલીસીસ આધારે આ ગુનામાં સંડોવાયેલ ત્રણ આરોપીઓને ઝડપી પાડ્યા છે. જેમાં બનાસકાંઠાના દિયોદરનો ઠાકોર શિવપાલ ઉર્ફે હમીર પ્રહલાદજી, ઠાકોર વિશાલ અને તેતરવા ગામના લાભેશ સાધુ નામના શખ્સને એલ.સી.બી પોલીસે દબોચી લીધા છે. સાથે જ આ ગુનામાં અન્ય કોણ કોણ સંડોવાયેલું છે તે દિશામાં પોલીસે સઘન તપાસ શરૂ કરી છે. વધુમાં આરોપીઓ અત્યાર સુધી કેટલા લોકોને પોતાનો શિકાર બનાવ્યા છે.

પોલીસ દ્વારા હાથ ધરાઈ પ્રકરણની ઊંડી તપાસ
આ ગુન્હામાં આરોપી સાથે કોઈ છોકરી સંડોવાયેલ છે કે નહીં? આરોપીઓનો ગુનાઈટ ભૂતકાળ છે કે નહીં ? તેવી અનેક કડીઓ પર હાલ પોલીસ કામે લાગી છે. જોકે એ બાબત પણ નકારી શકાય તેમ નથી કે પાટણ જિલ્લામાં હની ટ્રેપને અંજામ આપતી નવી નવી ગેંગો માર્કેટમાં પોતાના પગ જમાવી રહી છે.એવા ઘણા લોકો ભોગ બનતા હશે કે જેવો સમાજમાં આબરૂ જવાના ડરને લઈને પોલીસ સુધી પહુંચતા નથી. જેથી આરોપીઓને મોકળુ મેદાન મળી રહે છે.