અશોભનીય / પાટણ કોંગ્રેસના નેતાએ વોટ્સએપ ગ્રુપમાં અશ્લીલ વીડિયો તરતા મુકતા સર્જાયો મોટો હોબાળો, બાદમાં કહ્યું...

• વોટ્સએપ ગ્રુપમાં કોંગ્રેસ નેતાએ અશ્લીલ વીડિયો પોસ્ટ કર્યા
• હારીજ કોંગ્રેસના તાલુકા પ્રમુખ અનારજી ઠાકોરનો ખુલાસો
• ખેતરે ઊંઘતો હતો ત્યારે કોઈએ મોબાઈલ સાથે ચેડા કર્યા

ગુરૂવારે હારીજ તાલુકાના પ્રમુખ અનારજી ઠાકોરે પાટણના PCC TO PATAN નામના વોટ્સએપ ગ્રુપમાં વિવાદિત પોસ્ટ ગ્રુપમાં શેર કરી હતી. અનારજીએ કોંગ્રેસના આ ગ્રુપમાં અશ્લીલ વીડિયો મુક્યા હતા. જેને લઇને મોટો હોબાળો સર્જાયો હતો. આ વોટ્સએપ ગ્રુપમાં અનેક ધારાસભ્યો મહિલા અગ્રણીઓ અને કેટલાક આગેવાનો સભ્ય હતા. જે ગ્રુપમાં નગ્ન વીડિયો આ નેતાએ શેર કરી દેતા હંગામો મચી ગયો હતો. જોકે ત્યારબાદ તેઓ શરમજનક સ્થિતિમાં મુકાયા અને લેફ્ટ થઇ ગયા હતો. તો બીજી તરફ આ અંગે ગ્રુપના એડમીનને જાણ થતા ગ્રુપને તરત રિમુવ કરી દીધું હતું. જોકે હવે આ અંગે વીડિયો શેર કરનારા કોંગ્રેસના નેતા અનારજી ઠાકોરે ખુલાસો કર્યો છે.

હિન્દી કે અંગ્રેજી મને આવડતું નથી: અનારજી ઠાકોર 

હારીજ કોંગ્રેસના તાલુકા પ્રમુખ અનારજી ઠાકોરે બચાવ કરતા કહ્યું કે, ખેતરે ઊંઘતો હતો ત્યારે કોઈએ મોબાઈલ સાથે ચેડા કર્યા છે. હિન્દી કે અંગ્રેજી મને આવડતું નથી. મારા વિરૂદ્ધ કોઈએ કાવતરું કર્યું હોઈ શકે છે.