હરાજી / પેટ કમિન્સ IPLના ઈતિહાસનો બીજો સૌથી મોંઘો ખેલાડી બન્યો પરંતુ યુવરાજનો રેકોર્ડ ન તોડી શક્યો

• યુવરાજસિંહ બાદ સૌથી મોંઘો ખેલાડી 
• કોલકાતા નાઈટ રાઈડર્સે તેમને 15.50 કરોડમાં ખરીદ્યો 
• બેંગલોરે કોહલીને 17 કરોડમાં રીટેન કર્યો, જોકે હરાજીનો હિસ્સો નથી

કમિન્સ માટે દિલ્હી કેપિટલ્સ અને રોયલ ચેલેન્જર્સ બેંગ્લોર વચ્ચે ટક્કર થઇ હતી જેમાં કોલકાતા નાઈટ રાઈડર્સ પણ આ રેસમાં સામેલ થઇ અને 15.50 કરોડ રૂપિયામાં પોતાની ટીમમાં લઇ ગઈ. 

ઓસ્ટ્રેલીયાનાં બોલર અને લોકપ્રિય ખેલાડી પેટ  કમિન્સ 2020માં આઈપીએલમાં રૂપિયાનો વરસાદ થતો હોય તેમ લાગે છે. ઈતિહાસમાં બીજા નંબરનો સૌથી મોંઘો ખેલાડી સાબિત થયો છે. ઉલ્લેખનીય છે કે 2015માં દિલ્હીએ યુવરાજસિંહને 16 કરોડમાં ખરીદ્યો હતો. હવેપેટ  કમિન્સ હરાજીમાં બીજા નંબરનો સૌથી મોંઘો ખેલાડી સાબિત થયો છે. 

આઈપીએલમાં સૌથી મોંઘા ખેલાડીની વાત કરીએ તો વિરાટ કોહલી સૌથી મોંઘા ખેલાડી છે જેમને રોયલ ચેલ્ન્જર્સ બેંગલોરે 17 કરોડમાં રીટેન કર્યો હતો. જોકે વિરાટ કોહલી હરાજીનો હિસ્સો ન હતો. 

હરાજીમાં સૌથી મોંઘા ખેલાડી 

16 કરોડ : યુવરાજ સિંહ, દિલ્હી ડેરડેવિલ્સ 2015 

15.5 કરોડ :પેટ  કમિન્સ, કોલકાતા નાઈટ રાઈડર્સ 2020 

14.5 કરોડ : બેન સ્ટોક્સ, રાઈઝીંગ પુણે 

14 કરોડ : યુવરાજ સિંહ, રોયલ ચેલેન્જર્સ બેંગ્લોર 2014 

12.5 કરોડ : દિનેશ કાર્તિક, દિલ્હી ડેરડેવિલ્સ, 2014 

12.5 કરોડ : બેન સ્ટોક્સ, રાજસ્થાન રોયલ્સ, 2018 

કમિન્સ આઈસીસી રેન્કિંગમાં દુનિયામાં નંબર વન ટેસ્ટ બોલર છે. આ વર્ષે તેમણે ટેસ્ટ ક્રિકેટમાં સૌથી વધુ 54 વિકેટ પોતાના નામે કરી રહી છે. કોલકાતાની ટીમ હવે બોલિંગમાં વધુ મજબુત થશે.