IPL 2018: મુંબઇ ઇન્ડિયન્સને લાગ્યો મોટો ઝટકો IPLથી બહાર થયો આ દિગ્ગજ ખેલાડી

ચેન્નાઇ સુપર કિંગ્સ વિરુદ્ધ પહેલી મેચમાં હાર મેળવ્યા બાદ મુંબઇ ઇન્ડિયન્સને આગળની મેચ પહેલા એક મોટો ઝટકો લાગ્યો છે. મુંબઇ ઇન્ડિયન્સ ટીમના સૌથી મબત્વના બોલર માનવામાં આવતાં પેટ કમિંસ કમરની ઇજાના કારણએ પૂરી ટૂર્નામેન્ટથી બહાર થઇ ગયા છે. પેટ કમિંસ હાલમાં સારા ફોર્મમાં જોવા મળી રહ્યો હતો. દક્ષિણ આફ્રિકા વિરુદ્ધ ટેસ્ટ સીરિઝ અને ન્યૂઝીલેન્ડ વિરુદ્ધ ટ્રાઇ સીરિઝ દરમિયાન એને પોતાની બોલિંદથી ખાસ પ્રભાવિત કર્યા હતા. પેટ કમિંસ ગત વર્ષે દિલ્હી ડેયરડેવિલ્સ માટે રમી ચૂક્યા છે. આ ઉપરાંત એમને અત્યાર સુધી ટી20 ક્રિકેટમાં કુલ 18 મેચ રમ્યો છે. જેમાં એમને 5.39ના શાનદાર ઇકોનોમી રેટથી 23 વિકેટ મેળવી હતી. કમિંસની કમી મુંબઇની ટીમને આવનારી હરિફાઇમાં પરેશાનીમાં નાંખી શકે છે. કમિંસની કમર દુખાવાના કારણે ચેન્નાઇ વિરુદ્ધ ટૂર્નામેન્ટની પહેલી મેચ પણ રમી શક્યા નહતા. જો કે મુંબઇ આશા વ્યક્ત કરી રહી હતી કે એ જલ્દીથી સ્વસ્થ થઇને  આગળની મેચમાં વાપસી કરશે. 



મુંબઇ ઇન્ડિયન્સની ટીમમાં આમ તો સારા બોલર છે પરંતુ પહેલી મેચ દરમિયાન કોઇ પણ બોલર લયમાં નજરે જોવા મળ્યો નહીં. ડેથ ઓવરના સ્પેશલિસ્ટ જસપ્રીત બુમરાહ પણ ચેન્નાઇની વિરુદ્ધ જોરદાર રન કર્યા. મુંબઇના કેપ્ટન રોહિત શર્માને પેટ કમિન્સની જગ્યાએ જલ્દી કોઇ બોલર શોધવો પડશે. જણાવી દઇએ કે મુંબઇની ટીમ આ વર્ષે ઘણા નવા ખેલાડીઓ સાથે ટૂર્નામેન્ટમાં ભાગ લઇ રહી છે. 



તો બીજી બાજુ ચેન્નાઇ સુપર કિંગ્સના હરફનમૌલા ખેલાડી કેદાર જાધવ માંસપેશીઓમાં ખેંચાણના કારણે ઇન્ડિયન પ્રીમિયર લીગના 11માં સંસ્કરણથી બહાર થઇ ગયા હતા.