તમારા કામનું / ત્રણ જ દિવસમાં ઘરે આવી જશે Passport: આ રીતે ભરી દો ફૉર્મ, નિયમોમાં થયા ફેરફાર

• તત્કાલ પાસપોર્ટના નિયમમાં ફેરફાર 
• હવે 3 દિવસમાં આવશે તત્કાલ પાસપોર્ટ 
• પોલીસ વેરિફિકેશન પણ ઝડપી બનશે

જો તમારે આગામી સમયમાં વિદેશ પ્રવાસ કરવાનો છે અને જો તમે પાસપોર્ટ બનાવવાનું વિચારી રહ્યા છો, તો તમારા માટે આ યોગ્ય સમય છે. કારણ કે સરકારે પાસપોર્ટ સેવાઓમાં કેટલાક ફેરફાર કર્યા છે. આ પહેલીવાર નથી જ્યારે આ ફેરફારો કરવામાં આવ્યા હોય. પાસપોર્ટ સેવાઓ સમયની સાથે બદલાય છે. આ વખતે પણ આવા જ ફેરફારો કરવામાં આવ્યા છે અને લોકોને ઝડપથી પાસપોર્ટ મેળવવામાં સરળતા રહેશે. ઓનલાઇન ફોર્મ ભરતી વખતે તમારે ફક્ત એક વિકલ્પ પસંદ કરવાનો છે.

કેવી રીતે કરશો અરજી
પાસપોર્ટ માટે અરજી કરવા માટે તમારે ઓફિશિયલ વેબસાઇટ પર જવું પડશે. અહીં ગયા પછી, તમે સરળતાથી પાસપોર્ટ બનાવી શકો છો. હવે જો તમે તે વિકલ્પ વિશે વિચારો છો, જ્યારે તમે પાસપોર્ટ માટે અરજી કરવા માટે ફોર્મ ખોલો છો, ત્યારે તમને તમારી સામે ઘણા વિકલ્પો દેખાય છે. આમાં તમારે તત્કાલ પાસપોર્ટ વિકલ્પ પસંદ કરવાનો રહેશે. હવે સરકારે તત્કાલ પાસપોર્ટના સમયમાં પણ ફેરફાર કર્યો છે.

3 દિવસમાં ઘરે જ ડિલિવરી થઇ જશે
હવે તમારે તત્કાલ પાસપોર્ટ બનાવવા માટે માત્ર 3 દિવસની જ રાહ જોવી પડશે. તત્કાલ પાસપોર્ટ 3 દિવસની અંદર તમારા ઘરે પહોંચી જશે. તેમજ તેનું પોલીસ વેરિફિકેશન પણ ખુબ જ ઝડપથી કરવામાં આવે છે. ઓનલાઈન મળતી માહિતી મુજબ આ પાસપોર્ટ 3 દિવસની અંદરજ ડીલીવર કરી દેવામાં આવે છે. હવે પોસ્ટથી એડ્રેસ પર પહોંચવામાં સામાન્ય સમય લાગી શકે છે. પરંતુ તેના વિશે ચિંતા કરવાની જરૂર નથી.

સામાન્ય પાસપોર્ટમાં 30 દિવસનો સમય લાગશે
પાસપોર્ટ માટે અરજી કરવા તમે સત્તાવાર વેબસાઇટ (https://portal2.passportindia.gov.in/AppOnlineProject/user/RegistrationBaseAction) પર જઈ શકો છો. તમારી પાસેથી પાસપોર્ટ ફી ઓનલાઇન લેવામાં આવશે. સામાન્ય પાસપોર્ટ માટે ફી 1,500 રૂપિયા છે. જ્યારે 60 પાનાના પાસપોર્ટ માટે તમારે 2000 રૂપિયા આપવા પડશે. સામાન્ય પાસપોર્ટમાં 30 દિવસનો સમય લાગે છે. જયારે તત્કાલ પાસપોર્ટ માટે માત્ર 3 દિવસનો સમય લાગી છે. (જો ડીલીવરી થવામાં થોડો સમય લાગી શકે તો તમને 1-2 દિવસ વધુ સમય લાગી શકે છે.)