દેશમાં ચાલી રહેલ લોકસભા ચૂંટણીમાં વોટ નાખવા માટે લોકોની પ્રતિબદ્ધતાનાં અલગ-અલગ કિસ્સાઓ સામે આવી રહ્યાં છે. કર્ણાટકમાં મેંગલુરૂ-શિવમોગા રૂટ પર ચાલનારી બસનાં ડ્રાઇવર વિજય શેટ્ટીએ વોટ નાખવા માટે એક નવી જ મિશાલ કાયમ કરી છે.
મેંગલુરૂઃ દેશમાં ચાલી રહેલ લોકસભા ચૂંટણીમાં વોટ નાખવા માટે લોકોની પ્રતિબદ્ધતાનાં અલગ-અલગ કિસ્સાઓ સામે આવી રહ્યાં છે. કર્ણાટકમાં મેંગલુરૂ-શિવમોગા રૂટ પર ચાલનારી બસનાં ડ્રાઇવર વિજય શેટ્ટીએ વોટ નાખવા માટે એક નવી જ મિશાલ કાયમ કરી છે. ગુરૂવારનાં રોજ મતદાન પ્રત્યે શેટ્ટીએ પોતાની પ્રતિબદ્ધતા દેખાડી છે. ગુરૂવારનાં રોજ લોકસભા ચૂંટણીનાં બીજા ચરણ અંતર્ગત થયેલ વોટિંગમાં તેઓએ પોતાનાં ખૂબ વ્યસ્ત શેડ્યુલમાં પણ સમય નિકાળીને મતદાન કર્યુ.
મતદાન કેન્દ્ર તરફ પૂરા વેગથી દોડીને આવતા વિજય શેટ્ટીની એક વીડિયો ક્લિપ વાયરલ થઇ ગઇ છે. શેટ્ટી મુસાફરોથી ભરેલી એક બસ ચલાવી રહ્યાં હતાં. તેઓએ મૂદબિદ્રી પાસે બેલુવઇ સ્થિત પોતાનાં પોલિંગ સ્ટેશન પર અચાનક બસને રોકી અને ત્યાર બાદ પોતાનો કિમતી વોટ આપ્યો.
Vijay Shetty, a bus driver on Mangaluru - Shivamogga route stopped his bus for few seconds voted & started driving again
This is the commitment real citizens have towards nation.
શેટ્ટી જયરાજ ટ્રાવેલ્સ માટે કામ કરે છે. બસ રોક્યાં બાદ તેઓ પોલિંગ બૂથ તરફ ઝડપથી દોડવા લાગ્યાં. આવું જોઇને બસમાં બેઠેલા મુસાફરો એકાએક ગભરાઇ ગયાં. બાદમાં શેટ્ટી થોડીક જ
વારમાં પરત ફરતા મુસાફરોને શેટ્ટીનાં ઇરાદા વિશે આઈડીયા આવ્યો. શેટ્ટીની આંગળી પર મતદાન કેન્દ્ર પર શાહી લગાવેલી હતી અને ત્યાર બાદ તેઓએ પોતાની ટ્રિપ શરૂ કરી દીધી.
સોશિયલ મીડિયા પર પોસ્ટ થયેલ આ વીડિયોને કોઇ અજાણી વ્યક્તિએ પોતાનાં કેમેરામાં પણ કેદ કરી હતી. વોટિંગનું મહત્વ બતાવવાની સાથે-સાથે અનેક લોકો હવે આ વીડિયોને પણ સોશિયલ મીડિયા એકાઉન્ટ પર શેર પણ કરી રહ્યાં છે.