VIDEO / વાહ...જિંદગી જીવવી તો આવી જીવવી... ના DJ ના ઢોલ, પણ ટ્રેનમાં ગરબા જોર

• મુંબઈની લોકલ ટ્રેનમાં ગરબાની રમઝટ 
• મુસાફરોએ ટ્રેનમાં બોલાવી ગરબાની રમઝટ
• ગરબાનો વીડિયો સોશિયલ મીડિયામાં થયો વાયરલ

બે વર્ષના કોરોનાકાળ બાદ આ વર્ષે દેશભરમાં તહેવારોની ધામધૂમથી ઉજવણી કરવામાં આવી રહી છે. હાલ મા આધ્યા શક્તિની આરાધનાનો મહાપર્વ નવરાત્રી ચાલી રહી છે, ત્યારે નવલી નવરાત્રીને લોકો ઉમંગ-ઉત્સાહ સાથે ઉજવી રહ્યા છે.  જ્યારેથી નવરાત્રી શરૂ થઈ છે, ત્યારથી દરેક સોશિયલ મીડિયા પ્લેટફોર્મમાં મોટાભાગે ગરબાના જ વીડિયો જોવા મળી રહ્યા છે. ત્યારે હાલ એક એવો જ વીડિયો સોશિયલ મીડિયામાં વાયરલ થઈ રહ્યો છે. જેમાં કેટલાક લોકો ચાલતી ટ્રેનમાં ગરબા રમતા જોવા મળી રહ્યા છે.

ટ્રેનમાં મુસાફરોએ બોલાવી ગરબાની રમઝટ
વ્યસ્ત જીવનમાં લોકો હંમેશા ઉજવણી માટે સમય કાઢે છે અને ગમે ત્યારે ગમે ત્યાં જીવનમાં થોડો રંગ ઉમેરે છે. આવી રીતે જ ગઈકાલે ગરબાનો માહોલ આ વર્ષે નવરાત્રીમાં મુંબઈ લોકલ ટ્રેનમાં જોવા મળ્યો હતો. વાસ્તવમાં મુંબઈની લોકલ ટ્રેનમાં ગરબાની રમઝટનો વીડિયો વાયરલ થયો છે. જેમાં જોઈ શકાય છે કે, ટ્રેનની સાંકળી જગ્યામાં મુસાફરો ઢોલ અને મંજીરા સાથે ગરબે રમી રહ્યા છે. તો કેટલાક લોકો તેમને જોઈને એન્જોય કરી રહ્યા છે. આ વીડિયો સોશિયલ મીડિયા પર ધૂમ મચાવી રહ્યો છે. 

મુંબઈની લોકલ ટ્રેનમાં ગરબે રમી મહિલાઓ
આપને જણાવી દઈએ કે, આ પહેલા પણ આવો જ એક વીડિયો સોશિયલ મીડિયા પર વાયરલ થયો હતો. મુંબઈની લોકલ ટ્રે્નમાં કેટલીક મહિલાઓએ ટ્રેનમાં ગરબાનો આનંદ માણ્યો હતો. ટ્રેનમાં ઓછી જગ્યા હોવા છતાં મહિલાઓએ બ્રકગ્રાઉન્ડ મ્યુઝિકના તાલે ગરબાની રમઝટ બોલાવી હતી.