દાણચોરી / અબુધાબીથી આવેલાં પેસેન્જરો પાસેથી રૂ. ૭૦ લાખનું સોનું ઝડપાયું

• ડ્યુટી ભર્યા વગર બહાર લઈ જવા પ્રયાસ કર્યો
• સોનાનાં ૩૩ ટકા જેટલું ભારણ હોવાથી દાણચોરી વધી
• કસ્ટમે યુવકને કસ્ટડી કરી ધરપકડ કરી હતી

ડ્યુટી ભર્યા વગર બહાર લઈ જવા પ્રયાસ કર્યો

સોનાના હાલના તોલાદીઠ ૩૯,૪૦૦ના ભાવ પ્રમાણે આ સોનાની કિંમત રૂ. ૭૦ લાખ  થાય છે. આ પેસેન્જર ઈતિહાદની ફ્લાઇટમાં અબુધાબીથી બેસીને અમદાવાદ આવ્યો હતો. તેણે સોનાનું ડિક્લેરેશન ન કરીને ૧.૮ કિલો સોનું ડ્યૂટી ભર્યા વગર બહાર લઇ જવા પ્રયાસ કર્યો હતો. 

સોનાનાં ૩૩ ટકા જેટલું ભારણ હોવાથી દાણચોરી વધી

સોનાની ડ્યૂટીમાં વધારો થવાથી વિદેશથી ટ્રાવેલ કરતા મુસાફરો દ્વારા જ્વેલરી, કોઈન અને ગોલ્ડ બારનાં રૂપમાં સોનાની ઈમ્પોર્ટ વધી છે. અત્યારે ૩૯ ટકા જેટલી કસ્ટમ ડ્યૂટી લગાવવામાં આવે છે એટલે કે સોનાનાં ૩૩ ટકા જેટલું ભારણ હોવાથી દાણચોરી વધી છે. 

કસ્ટમે યુવકને કસ્ટડી કરી ધરપકડ કરી હતી

થોડા સમય પહેલાં અમદાવાદ એરપોર્ટ પરથી એર ઈન્ટેલિજન્સ યુનિટે બેંગકોકથી સ્પાઈસ જેટની ફ્લાઈટમાં આવેલા રો‌બિન નામનાં એક પેસેન્જર પાસેથી દાણચોરીના અંદાજે ૧.૧૭ કરોડના ૩ કિલો ગોલ્ડ સાથે પકડી લીધો છે. કસ્ટમે તેની કસ્ટડી કરી ધરપકડ કરી હતી.

વર્ષ 2019માં સૌથી વધારે સોનું પકડાયુ છે

ચાલુ વર્ષે સરદાર વલ્લભભાઈ પટેલ એરપોર્ટ પરથી કસ્ટમ્સનાં અધિકારીઓ દ્વારા સોનાની દાણચોરીનાં અલગ અલગ ૧૩૩ કેસમાં ૪ મહિલાઓ અને રર પુરુષોની ધરપકડ કરીને ૮૧.૪૧ કિલો સોનું (કિંમત રૂ.૩૦ કરોડથી વધુ) ઝડપી લેવાયું હતું. એરપોર્ટનાં સ્કેનિંગમાં સોનું ન પકડાય તે માટે લોકો કેવાં કેવાં પ્રકારની મોડસ ઓપરેન્ડી અપનાવે છે. તે જોઈને ખુદ કસ્ટમનાં અધિકારીઓ પણ ચોંકી જાય છે.  અમદાવાદ ઈન્ટરનેશનલ એરપોર્ટ પરથી ર૦૧૭-૧૮માં ૩૮ કેસમાં ર૦ કિલો સોનું જપ્ત થયું હતું. ર૦૧૮-૧૯માં ૧૩૯ કેસમાં ૬પ કિલોગ્રામ સોનું સીઝ કરાયું હતું.