Wednesday, July 17, 2019
સબસ્ક્રાઈબ કરો VTVGujarati ન્યુઝ Whatsapp

ઓટો / અને અચાનક લોકોએ કાર ખરીદવાનું બંધ કરી દીધું છે

અને અચાનક લોકોએ કાર ખરીદવાનું બંધ કરી દીધું છે

કાર કંપનીઓની ખરાબ દશા બેઠી છે. કંપનીઓનું વેચાણ વધારવા માટે તમામ પ્રયાસ કરી રહી છે. ઓફર આપી રહી છે. પરંતુ ગ્રાહક છે કે બજારથી દૂર જઇ રહ્યા છે. પરિણામ એ છે કે કંપનીઓ મુશ્કેલીમાં મુકાઇ ગઇ છે. તેમની સામે મોટી મુસીબત આવતી જતી રહી છે.

કંપનીઓ ઉત્પાદન ઘટાડવા માટે મજબુર બની રહી છે. સોસાયટી ઓફ ઇન્ડિયન ઓટોમોબાઇલ મેન્યૂફેક્ચર્સ એટલે કે SIAMના નવા ડેટા આ તરફ ઇશારો કરી રહ્યા છે. 

મે મહીનામાં કારના વેચાણમાં ગત 18 વર્ષનો સૌથી મોટો ઘટાડો જોવા મળ્યો છે. ગત મહીનામાં કારોના વેચાણમાં 20.55 ટકાનો ઘટાડો જોવા મળ્યો. આ પહેલા ડિસેમ્બર 2001માં પેસેન્જર ગાડીઓના વેચાણમાં 21.91 ટકાનો ઘટાડો જોવા મળ્યો. મે માસમાં 239347 કારનું વેચાણ થયું. જ્યારે મે 2018માં 301238 કારોનું વેચાણ થયું હતું. 

અહીં જાણો ઘટાડો

 ગાડીઓ   મે 2018  મે 2019    ઘટાડો (ટકાવારીમાં)
 કારો   301238  239347  -20.22
 કોમર્શિયલ ગાડીઓ  76517  68847  -10.02
 થ્રી વ્હિલર  54809   51650  -5.76
 ટૂ  વ્હિલર  1850698  2086358    -8.62

(સ્ત્રોત-સિયામ) 

ઘટાડાનું વલણ
ઉપરના ચાર્ટથી આપને સમજાઇ ગયું હશે કે તમામ સ્તરે ઘટાડો જોવા મળી રહ્યો છે. ન માત્ર કાર, પરંતુ કોમર્શિયલ ગાડીઓના વેચાણમાં પણ ઘટાડો જોવા મળી રહ્યો છે. થ્રી વ્હિલ અને ટુ વ્હિલર વાહનોના વેચાણમાં ઘટાડો થયો છે. 

મારૂતિનું વેચાણ ઘટ્યું

ઇન્ડિયા ટૂડેની એક રિપોર્ટ અનુસાર દેશની દિગ્ગજ કંપની મારૂતિના વેચાણમાં પણ ઘટાડો જોવા મળ્યો છે. મે માસમાં કંપનીના વેચાણમાં ગત વર્ષની તુલનામાં 22 ટકાનો ઘટાડો જોવા મળ્યો છે. મારૂતિના વેચાણમાં સતત ચોથા મહીનામાં ઘટાડાનું વલણ જોવા મળ્યું છે. મારૂતિનિ કારોની સેલ્સની વાત કરીએ તો, એપ્રિલમાં 17.2, માર્ચમાં 1.6 અને ફેબ્રુઆરીમાં 0.8 ટકાનો ઘટાડો જોવા મળ્યો છે. 

શુ કહે છે ઇન્ડસ્ટ્રીઝ એક્સપર્ટ્સ

સેલ્સમાં ઘટાડાનું વલણ જોવા મળી રહ્યું છે. રિટેલ સેલ્સના આંકડા હોલસેલ ડેટાથી વધુ સારા રહ્યા છે. તેથી ઇન્ડસ્ટ્રીઝ તરફથી પ્રોડક્શન ઘટાડવાના પગલા ઉઠાવવા સંબંધિત સંકેત મળી રહ્યા છે. સરકારને સૂચન કરવામાં આવ્યું છે કે ઓટોમોબાઇલ્સ પર GST ઓછો કરવામાં આવે. 
 

જોવા જેવું વધુ જુઓ

બ્રેકિંગ ન્યૂઝ