અમદાવાદ / ચાંદલોડિયા રેલવે સ્ટેશને નમો ભારત ટ્રેનમાં લાશ! મોતના કારણે કંપાવી દીધાં, જાણો કિસ્સો

અમદાવાદના ચાંદલોડિયા રેલવે સ્ટેશને અમદાવાદ-ભુજ વંદે ભારત એક્સપ્રેસ ટ્રેનમાં 50 વર્ષની વ્યક્તિની લાશ પડી હતી. આ શખ્સનું હાર્ટ એટેકથી મોત થયું હતું. રેલવે અધિકારીઓએ જણાવ્યું હતું કે આ ઘટના ત્યારે બની જ્યારે મુસાફરને ટ્રેનમાં હૃદયરોગનો હુમલો આવ્યો.

ચાંદલોડિયા સ્ટેશન નજીક શું બન્યું?

ચાંદલોડિયા સ્ટેશન નજીક રેલવે કર્મચારી રાજેશ નાયરે આ શખ્સને અસહજ હાલતમાં જોયો હતો જે કોચ નંબર C8 ની છઠ્ઠી હરોળમાં બેઠો હતો. નાયરને હાર્ટ એટેકના લક્ષણો દેખાતા તરત જ સ્ટેશન અધિકારીઓને જાણ કરી. સ્ટેશન અધિકારીઓએ ઇમરજન્સી સર્વિસ (૧૦૮) ને ફોન કર્યો, અને મુસાફરને ટ્રેનમાંથી બહાર કાઢીને સોલા સિવિલ હોસ્પિટલમાં લઈ જવામાં આવ્યો. 12 મિનિટના વિલંબ બાદ ટ્રેન ફરી શરૂ થઈ.

હોસ્પિટલમાં પહોંચતાં પહેલા મોત

ઈમરજન્સી મેડિકલ સ્ટાફે કહ્યું કે દર્દીના અંગો કામ કરતા નહોતા. એમ્બ્યુલન્સમાં તાત્કાલિક તબીબી સહાય મળવા છતાં, દર્દીને સોલા સિવિલ હોસ્પિટલમાં લઈ જવામાં આવ્યો હતો. હોસ્પિટલમાં સારવાર મળે તે પહેલાં જ વ્યક્તિનું મૃત્યુ થયું હતું.

હાર્ટ એટેકથી મોતની ઘટનાઓમાં વધારો

તાજેતરમાં હાર્ટ એટેકથી મોતની ઘટનાઓમાં વધારો થયો છે. હવે ગમે ત્યારે અને ગમે ત્યાં અને ગમે તે ઉંમરના લોકોને હાર્ટ એટેક આવી રહ્યાં છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ