તુર્કીના ઈસ્તમ્બુલમાં મોડી રાત્રે બનેલી એક દુર્ઘટના લોકોને હચમચાવી દીધા હતા. ઈસ્તમ્બુલમાં લેન્ડિંગ કરવાનો પ્રયાસ કરતું મુસાફરોથી ભરેલું વિમાન ક્રેશ થઈ ગયું હતું. જેને પગલે તંત્ર દોડતું થયું હતું.જેમાં મોટી સંખ્યામાં લોકો ઈજાગ્રસ્ત થયા હતા.
લેન્ડિંગ સમયે વિમાનના થયા 3 ટૂકડા
વિમાનમાં મુસાફર, ક્રુ મેમ્બર મળીને 183 લોકો સવાર હતા
દુર્ઘટનામાં 3 લોકોના મોત, 179 લોકોને ઈજા
લેન્ડિંગ કરતા બની હતી આ દુર્ઘટના
તુર્કીના ઈસ્તાંબુલમાં વરસાદ અને વાવાઝોડાના કારણે એક વિમાનનું ક્રેશ લેન્ડિંગ થયું છે. લેન્ડિંગ સમયે વિમાનનાં 3 ટૂકડા થઈ ગયા હતા. આ દુર્ઘટનામાં 3 લોકોના મોત નિપજ્યા છે. જ્યારે 179 લોકો ઘાયલ થયા છે.
દુર્ધટનાગ્રસ્ત થનારું વિમાન પેગાસસ એરલાઈન્સનું હતું. વિમાનમાં મુસાફર અને ક્રુ મેમ્બર મળીને 183 લોકો સવાર હતા. જ્યારે આ દુર્ઘટના સર્જાઈ ત્યારે વિમાન લેન્ડિંગ કરવાના પ્રયાસ થઈ રહ્યા હતા. લેન્ડિંગ સમયે એરપોર્ટ પર ભારે પવન ફૂંકાઈ રહ્યો હતો. વાવાઝોડા સાથે વરસાદ પણ વરસી રહ્યો હતો. જેના કારણે વિમાન દુર્ઘટનાગ્રસ્ત થઈ ગયું. દુર્ઘટનાની સાથે તેના ત્રણ ટૂકડા થઈ ગયા.
ઘટના બનતાની થોડી જ વારમાં વિમાનમાં આગ લાગી હતી
આ દુર્ઘટનાના LIVE દ્રશ્ય પણ સામે આવ્યા હતા. જેમાં ઘાયલ લોકો વિમાનના ટૂકડાઓમાંથી બહાર નીકળતા દેખાઈ રહ્યા હતા. દુર્ઘટના બાદ વિમાનમાં આગ પણ લાગી ગઈ હતી. જોકે ફાયર બ્રિગેડે આગ પર કાબૂ મેળવી લીધો હતો.