પ્લેનબેટરીથી ચાલતી કાર સહિતના વાહનો હવે નવાઇની વાત નથી.આગામી થોડા વર્ષોમાં પેટ્રોલ-ડિઝલ કે ગેસથી ચાલતા વાહનોની સામે બેટરીથી ચાલતા એટલે કે ઇલેક્ટિક વાહનોની બોલબાલા વધશે.બેટરી જલ્દી ચાર્જ થાય,તેની લાઇફ વધુ હોય અને વધુ માઇલેજ આપે તેના પર સતત સંશોધન થઇ રહ્યા છે.
નાસાએ પોતાનું પહેલું ઇલેક્ટ્રિક પ્લેન એક્સ -57 મેક્સવેલ દુનિયા સમક્ષ રજુ કર્યું
વિમાન બનાવવા બે દાયકાથી નાસાના વિજ્ઞાનીઓ અને ટેકનિશિયનો પ્રયાસ કરી રહ્યા હતા
આ પહેલું ઇલેક્ટ્રિક પ્લેન હશે કે જેમાં બેસીને લોકો ઉડી શકશે
બેટરી ટેકનોલોજી પણ દિવસે દિવસે એડવાન્સ્ડ બની રહી છે.ત્યારે અમેરિકાની સ્પેસ એજન્સી નાસાએ પોતાનું પહેલું ઇલેક્ટ્રિક પ્લેન એક્સ -57 મેક્સવેલ દુનિયા સમક્ષ રજુ કર્યું છે.
આ વિમાન બનાવવા બે દાયકાથી નાસાના વિજ્ઞાનીઓ અને ટેકનિશિયનો પ્રયાસ કરી રહ્યા હતા. આ પહેલું ઇલેક્ટ્રિક પ્લેન હશે કે જેમાં બેસીને લોકો ઉડી શકશે. નાસા કહે છે કે ભવિષ્યમાં ઇલેકટ્રિક પ્લેન હવાઇ મુસાફરી વધુ સુલભ બનાવશે. ગઇ .2 ઓક્ટોબરના રોજ, કેલિફોર્નિયા સ્થિત ઇમ્પીરીકલ સિસ્ટમ્સ એરોસ્પેસે નાસાને પ્રથમ પ્રાયોગિક એકસ-57 પ્લેન સોંપ્યું હતું. એક્સ -57 પ્લેન અનેક રીતે ઘણું ખાસ છે. તેમાં લિથિયમ આયન બેટરીનો ઉપયોગ કરવામાં આવ્યો છે, જેને ચાર્જ કરવાની હોય છે.
લિથિયમ આયન બેટરીથી લોકો આમ તો પરિચિત છે.કેમ કે મોબાઇલ,ટેબ્લેટ,લેપટોપ સહિતના ડિવાઇસમાં લિથિયમ આયન બેટરીથી ચાલે છે..આ વિમાનમાં ચાર લોકો ઉડાન કરી શકશે. તેમાં 14 ઇલેક્ટ્રિક ક્રુઝર મોટર્સનો ઉપયોગ કરવામાં આવ્યો છે. આ વિમાન ઇકો ફ્રેન્ડલી છે.તેનાથી પર્યાવરણને કોઇ નુકસાન થશે નહીં.નાસાના નિષ્ણાતો કહે છે કે ભવિષ્યમાં તેનો ઉપયોગ શહેરી ટેક્સી તરીકે કરવામાં આવશે.