સુરત / PAAS કન્વીનર અલ્પેશ કથીરિયાએ આ પક્ષના મહિલા નેતા સાથે સગાઈ કરતા અનેક તર્કવિતર્ક

• પાસ કન્વીનર અલ્પેશ કથીરિયાએ કરી સગાઇ
• મહિલા ભાજપ નેતા સાથે કરી સગાઇ 
• કાવ્યા પટેલ રહી ચૂક્યા છે કોર્પોરેટર

હાર્દિક પટેલ બાદ PAASના કન્વીનર અલ્પેશ કથીરિયા લગ્નના બંધને બંધાશે ગઈ કાલે સુરતમાં PAAS નેતા અલ્પેશ કથીરિયાની સગાઈ કાર્યક્રમ યોજાયો, સુરતની કામરેજની હોટલમાં સગાઈ અલ્પેશ કથીરિયાએ ભાજપના ભૂતપૂર્વ કોર્પોરેટર કાવ્યા પટેલ સાથે સગાઈ કરી છે. અલ્પેશ કથીરિયાએ પાટીદાર આંદોલન થકી ચર્ચામાં આવ્યા અને તે બાદ તે જાણીતો ચહેરો બન્યા હતા. 

પાસ કન્વીનર અલ્પેશ કથીરિયાએ કરી સગાઇ

ગુજરાતમાં પાટીદારોમાં મજબૂત પકડ ધરાવતા અલ્પેશ કથીરિયા યુવા નેતાઓ પૈકી એક માનવામાં આવે છે. અલ્પેશ કથીરિયાની નવા જીવનની શરૂઆત થઈ ચુકી છે ગઈ કાલે ભાજપનાં પૂર્વ મહિલા નગરસેવક કાવ્યા પટેલ સાથે અલ્પેશ કથીરિયાએ સગાઈ કરી છે હવે તેઓ ટૂંક સમયમાં લગ્નગ્રંથી બંધાશે તેવું જણાઈ રહ્યું છે. મહત્વનું છે આંદલન સમયે અલ્પેશ કથીરિયાની સાથે રહેલા, અને સાથી મનાતા હાર્દિક પટેલે પણ લગ્ન જીવનમાં પ્રવેશ કરી લીધો છે અને હવે તે કોંગ્રેનસા નેતા બની ચુક્યા છે. 

મહિલા ભાજપ નેતા સાથે કરી સગાઇ 

અહીં ઉલ્લેખનિય છે કે આંદોલન સમયે ભાજપ સરકાર દ્વારા દેશ દ્રોહનો આરોપ બદલ અલ્પેશ કથીરિયા દ્વારા ભાજપ સરકાર પર અનેક આક્ષેપ કરાયા હતા, એટલું જ નહીં કથીરિયાએ સુરત લાજપોલ જેલમાં પણ જવાનોવારો પણ આવ્યો હતો. ત્યારે હવે અલ્પેશ કથીરિયાએ ભાજપના જ નેતા સાથે સગાઈ કરી લેતા લોકોનામાં કુતૂહલ પણ સર્જાયું છે. 

કાવ્યા પટેલ રહી ચૂક્યા છે કોર્પોરેટર

પાસ કન્વીનર અલ્પેશ કથીરિયાએ નકપુર કનસાડ નગરપાલિકામાં ઉપ-પ્રમુખ રહી ચુકેલા કાવ્યા પટેલ સાથે સગાઈ કરી છે. એક વાત કહી શકાય કે રાજકારણમાં કોઈ ક્યારે મિત્ર કે શત્રુ હોતા નથી, મોટા ભાગના આંદોલનકારી નેતાએ રાજકીય પક્ષમાં જોડાઈ ચુક્યા છે, પરતું અલ્પેશ કથીરિયાએ હજુ સુધી કોઈ પક્ષ સાથે જોડાયા નથી, તો ભવિષ્યમાં તે કયા પક્ષા સાથે જોડાશે તેના પણ સૌની નજર છે. હાલ તો અલ્પેશ કથીરિયાએ સગાઈ કરી છે તેઓ ટૂંક સમયમાં લગ્નગ્રંથી જોડાશે તેવું મનાઈ રહ્યું છે.