ક્રિકેટ / એક ઓવરમાં 22 બોલ ફેંકાયા, 8 સિક્સર અને 6 બાઉન્ડ્રી ફટકારી તેમ છતા મેચ ગુમાવી

• ન્યુઝિલેન્ડની લીસ્ટ એ મેચમાં 31 વર્ષ પહેલા બની હતી અનોખી ઘટના
• એક ઓવરમાં પાર્ટટાઇમ બોલરે 77 રન આપ્યા
• કેપ્ટનનાં એક નિર્ણયથી જીતની મેચને ડ્રોમાં ફેરવાઈ

છેલ્લા બોલે મેચ ડ્રોમાં પરિણમી

ક્રિકેટમાં જો કોઈને પૂછવામાં આવે કે એક ઓવરમાં કેટલા રન આપી શકાય તો સામાન્યપણે લોકો 36 રન કહેશે. જે શક્ય પણ છે 6 બોલમાં 6 સિક્સ મારીને 36 રન બનાવી શકાય છે જે કારનામો ભારતીય બેટ્સમેન યુવરાજ સિંહે કર્યો છે. પણ એક મેચમાં એવુ પણ બન્યુ છે કે કેપ્ટને મેચ ડ્રોના રુપમાં ખતમ કરવા નહોતો ઈચ્છો અને જેથી તેણે મેચનાં છેલ્લા દિવસે છેલ્લી 2 ઓવર નાંખવા પહેલા જે કર્યું તે ટીમ માટે ઉલ્ટુ પડી ગયુ અને બાદમાં મુશ્કેલીથી છેલ્લા બોલ પર મેચ ડ્રો પર ખતમ થઈ. જે બોલરને ઉલટ ફેર માટે લાવવામાં આવ્યો હતો તેણે 1 ઓવરમાં 77 રન આપ્યા.

એક ઓવરમાં 77 રન આપ્યા

આ અણગમતો રેકોર્ડ 1990માં 20 ફેબ્રુઆરીનાં રોજ બન્યો હતો. જે બોલરનાં નામે આ રેકોર્ડ બન્યો હતો તેનુ નામ બર્ટ વેંસ છે જેણે ન્યુઝિલેન્ડ માટે 4 ટેસ્ટ રમી અને આજથી 31 વર્ષ પહેલા લેંચેસ્ટર પાર્કમાં એક પ્રથમ શ્રેણીની મેચમાં વેલિંગ્ટન માટે રમતા કેંટરબરી વિરુદ્ધની એક ઓવરમાં 77 રન આપ્યા હતા. રસપ્રદ વાત એ છે કે વેંચની બોલિંગ દરમિયાન એમ્પાયર પણ ભૂલી ગયો કે તેણે કેટલા બોલ નાંખ્યા અને 5 સરખા બોલ બાદ ઓવરને પૂરી કરી નાંખી.

મેચ જીતવી ખૂબ જરુરી હતી

વેલિંગ્ટન ટીમમાં શેલ ટ્રોફી પર કબ્જો જમાવવા માટે તેને કેંટરબરી વિરુદ્ધ છેલ્લી મેચ જીતવાની હતી. જોકે તે સમયે ઓકલેન્ડ અને ઓટાગો વચ્ચે એક અન્ય મેચ રમાઈ રહી હતી અને ટૂર્નામેન્ટનાં બે વધુ મુકાબલા રમાવાનાં બાકી હતા. પણ શાનદાર રમત બતાવી રહેલ વેલિંગ્ટનને ચેમ્પિયનશિપ મેળવવા માટે તે મેચ જીતવી ખૂબ જરુરી હતી. કેમકે બાકી ટીમો એવરેજની દૃષ્ટીએ પાછળ હતી.

જીતને ડ્રોમાં જતા જોઈ નિર્ણય લીધો

બીજી તરફ જો વેગિંગ્ટન તેની આ છેલ્લી મેચ હારી જાત તો અન્ય ટીમો ઓકલેન્ડ, કેંટરબરી અને સેન્ટ્રલ ડિસ્ટ્રિક્ટ જેવી ટીમોને અંકનાં આધાર પર આગળ વધવાની તક હતી. ત્યાં સુધી કે વેલિંગ્ટન તેની પહેલી ઈનિંગમાં લીડમાં આધાર પર 4 અંક હાંસલ કરી લે તો પણ એક ટીમથી પાછળ રહેવાની સંભાવના શક્ય હતી. જો કેંટરબરી આ મેચ જીતી લેત તો તેની વેલિંગ્ટનથી આગળ નીકળવાની શક્યતા બનતી જોવા મળી રહી હતી. જોકે તેનાં માટે તે બીજી ટીમો વચ્ચે થનાર મેચ પર નિર્ભર રહેત. વેલિંગ્ટને કેંટરબરી સામે જીત માટે અંતિમ દિવસે 59 ઓવરોમાં 291 રનોનો લક્ષ્ય રાખ્યો. વેલિંગ્ટને શરુઆતમાં શાનદાર પ્રદર્શન કર્યુ અને સ્કોરબોર્ડ પર 108 રન બનતા બનતા 8 વિકેટ ખેરવી લીધી. જીતથી ફક્ત 2 વિકેટ દૂર હતી વેલિંગ્ટનની ટીમ.

પાર્ટ ટાઇમ બોલરને બોલ આપી પછતાયો કેપ્ટન 

કેંટરબરીનાં વિકેટકીપર-બેટ્સમેન લી જર્મન અને 10માં નંબરનાં બેટ્સમેન રોજર ફોર્ડ પીચ પર ટકી ગયા અને મેચને ડ્રો તરફ લઈ જવાનાં પ્રયાસોમાં જોડાયા. મેચ અને ખિતાબને હાથમાંથી સરકતો જોઈ વેલિંગ્ટનનાં કેપ્ટન ઈરવિન મેક્સવાનેએ બોલિંગમાં ફેરબદલ કરવાનો નિર્ણય કર્યો અને નિયમિત બોલરની જગ્યાએ પાર્ટટાઈમ બોલર પાસે બોલિંગ કરાવવાનો નિર્ણય કર્યો અને વેંસને બોલિંગ સોંપી. વેંસ મૂળ રુપે એક બેટ્સમેન હતો. જેની પાસેથી જર્મન અને ફોર્ડની જોડી તોડવાની આશા રાખવામાં આવી રહી હતી. નવા બોલરને જોઈ બેટ્સમેન ફટાફટ રન બનાવવાનાં ચક્કરમાં આઉટ થઈ જશે. પણ એવુ થયું નહીં. ટીમને 12 બોલમાં 95 રન જોઈતા હતા જે અસંભવ લાગી રહ્યું હતું.

ફુલ ટોસ પર ફુલ ટોસ બોલ નાંખ્યા 

કેંટરબરી ટીમનો સ્કોર 8 વિકેટ પર 196 રન હતો. તો વેંસની સામે હતો 75 રન પર રમનારો જર્મન, પણ પહેલી બોલ વ્યવસ્થિત નાંખ્યા બાદ વેંસને 15 વખત વ્યવસ્થિત બોલ નાંખવી પડી. જેથી શરુઆતી 17 પ્રયાસોમાં ફક્ત 2 બોલનેજ યોગ્ય ગણવામાં આવી. ફુલ ટોસ બાદ ફરી ફુલ ટોસ બોલ નાંખવામાં આવી. જેનો જર્મને ખૂબ લાભ ઉઠાવ્યો અને તે વચ્ચે સતત 5 બોલ પર સિક્સ ફટકારી દીધી બોલરે 17 નો બોલ ફેંકી હતી.

1 ઓવરમાં 8 છક્કા અને 6 ચોક્કા

જર્મને તે ઓવરનાં સાતમા બોલ પર શતક પૂરુ કરી લીધુ. જ્યારે તે સ્પેલ પૂરો થયો, તો જર્મને તે ઓવર પહેલા તેનાં ખાતામાં 8 છક્કા અને 5 ચોકા સાથે 70 રન બનાવી લીધા હતા, જ્યારે ફોર્ડને પણ તક મળી અને તેણે 2 બોલમાં એક ચોકા સાથે  5 રન બનાવ્યા. ખાસ વાત તો એ છે કે તેણે નાંખેલા 22 બોલમાંથી5 બોલમાં કોઈ રન ના બન્યો જેમાંથી 3 બોલ જ યોગ્ય ગણાયા.

સ્કોરિંગ માટે દર્શકોની મદદ માંગી

પરિસ્થિતિ એવી વિકટ થઈ ગઈ હતી કે સ્કોરિંગ કરનાર દર્શકોને કહેવામાં આવ્યું કે યાદ રાખજો કે રન કેવી રીતે બની રહ્યાં છે. એમ્પાયર પણ થાકી ગયો અને બર્ટ વેંસ (1-0-77-0)એ પણ 5 યોગ્ય બોલ નાંખી હતી અને એમ્પાયરે ગફલતમાં ઓવર પૂરી કરાવી દીધી. અંતિમ ઓવર સુધી પહોંચવા સુધી સ્કોરબોર્ડ અપડેટ નહોતુ થઈ શક્યું. કેંટરબરીની અંતિમ ઓવરમાં જીત માટે 18 રન જોઈતા હતા ત્યાં પણ રસપ્રદ ઘટના બની. પહેલી 5 બોલમાં બેટ્સમેને 17 રન બનાવી દીધા હતા પણ અંતિમ બોલમાં બેટ્સમેન એક રન ના બનાવી શક્યો અને મેચ ડ્રો થઈ ગઈ.