આવુ ન કરતા / આ આદતોના કારણે સંબંધોમાં પડે છે તિરાડ, ખુશ રહેવા માંગતા હોવ તો ભૂલથી પણ ન કરતાં આવું

• સંબંધોને મજબૂત બનાવવા છોડી દો કૂટેવો
• નાની નાની બાબતો અંગે રાખો ખાસ ધ્યાન
• નહીં તો સંબંધ તૂટવામાં નહી લાગે વાર

સંબંધને મજબૂત કે નબળો બનાવવામાં ઘણી નાની બાબતો મોટી ભૂમિકા ભજવે છે. ઘણી વખત નાની વાતને કારણે બ્રેકઅપ થઈ જાય છે. આવી સ્થિતિમાં આ નાની-નાની બાબતોનું ખાસ ધ્યાન રાખવું ખૂબ જ જરૂરી છે.   એવી કેટલીક આદતો છે જે અંગે ખાસ ધ્યાન રાખવુ બંને લોકોએ જરુરી છે. પરંતુ મહિલાઓ પુરુષોની કેટલીક આદતોને નજરઅંદાજ નથી કરી શકતી. જેને કારણે પાર્ટનર વચ્ચે મતભેદો વધી જાય છે. ત્યારે આજે તમને જણાવીશું કે એવી કઇ આદતો છે જે તમને તમારા પાર્ટનરથી દૂર કરી દે છે.

સંબંધોમાં અંતર ન રાખો

મહિલાઓ અથવા છોકરીઓ તેમના પાર્ટનરની આ આદતોથી એટલી લાચાર બની જાય છે કે તેઓ તેમને નફરત કરવા લાગે છે અને જોતા જ તેમનાથી અંતર બનાવી રાખે છે. બંને પાર્ટનર્સ તેમના સંબંધોને બચાવવા માટે કંઈક કરી શકે તે પહેલાં તેમના સંબંધો બ્રેકઅપની સ્થિતિમાં પહોંચી જાય છે અને ઘણા કિસ્સાઓમાં સંબંધો તૂટી જાય છે.

જુઠ્ઠુ ન બોલો

જીવનમાં ક્યારેય જૂઠું ન બોલવુ જોઇએ અને તેમાં પણ ખાસ તમારા પ્રિય પાત્રથી ક્યારેય કોઇ વાત જૂઠ્ઠી ન કહેવી જોઇએ. મહિલાઓને આવા લાઇફપાર્ટનર સ્હેજ પણ પસંદ નથી જેઓ વારેઘડીએ જુઠ્ઠુ બોલતા હોય. પોતાની ભૂલ બદલ માફી માગવાને બદલે તેને છૂપાવવાની આદત તમારા સંબંધો બગાડી શકે છે. આવી આદતથી મહિલા પાર્ટનર તમારા પર વિશ્વાસ કરતી નથી.

જે પોતાનું જ વિચારે

પાર્ટનર જ્યારે માત્ર એક જ તરફી વિચારતો હોય તો તેવા પાર્ટનરને મહિલા પસંદ કરતી નથી. પાર્ટનર એવો ઇચ્છે છે કે જ્યાં બંનેની લાગણી સમાન રીતે જોવાય.  તેમના સુખ-દુઃખ વહેંચાય. જો પાર્ટનર ફક્ત પોતાના વિશે જ વિચારે અને બીજાની લાગણીઓ, જરૂરિયાતોનું ધ્યાન ન રાખે તો તે સંબંધમાં પ્રેમ અને સન્માન ઘટવા લાગે છે. આવો સંબંધ ગમે ત્યારે તૂટી શકે છે.

ફ્લર્ટ કરવું

પોતાનો પાર્ટનર અન્ય મહિલા સાથે ફ્લર્ટ કરે તે કોઇ પણ મહિલા સહન કરી શકતી નથી. આવા પુરુષોને સ્ત્રીઓ સખત નફરત કરે છે. તે આવા પુરુષોથી દૂર રહેવાનું પસંદ કરે છે.