અમદાવાદ / નમસ્તે ટ્રમ્પ કાર્યક્રમમાં કિર્તીદાન ગઢવી કરશે પરફોર્મ, આ ગીત ગાવાની ઇચ્છા કરી વ્યક્ત..!

• ટ્રમ્પને આવકારવા સજ્જ ગુજરાત
• કિર્તીદાન ગઢવી સહિત અનેક કલાકારો કરશે પરફોર્મ
• કિર્તીદાન ગઢવીએ 'લાડકી'ગીત ગાવાની ઇચ્છા વ્યક્ત કરી 

ઉલ્લેખનીય છે કે,  અમેરિકન રાષ્ટ્રપતિ ડોનાલ્ડ ટ્રમ્પ 24 ફેબ્રુઆરીએ બપોરે 11:55 વાગે ગુજરાતના અમદાવાદ એરપોર્ટ પહોંચવાના છે. તેમની 2 દિવસીય ભારત યાત્રામાં તેઓ ખાસ કરીને અમદાવાદના મોટેરા સ્ટેડિયમમાં ‘નમસ્તે ટ્રમ્પ’ કાર્યક્રમમાં ભાગ લેવાના છે. 

કિર્તીદાન ગઢવીએ લાડકી ગીત ગાવાની ઇચ્છા પ્રગટ કરી 

ત્યારે અહીં યોજાનારા રંગારંગ કાર્યક્રમમાં લોકકલાકાર કિર્તિદાન ગઢવી સહિત ગાયક કલાકાર પાર્થિવ ગોહેલ અને હાસ્ય કલાકાર સાંઇરામ દવે પણ પર્ફોમન્સ આપવાના છે. જો કે, કિર્તીદાન ગઢવીએ ટ્રમ્પ સમક્ષ લાડકી ગીત ગાવાની ઇચ્છા દર્શાવી હતી. 

ઇન્ડિયા રોડ શો 

એરોપર્ટથી ગાંધી આશ્રમ અને સ્ટેડિયમ સુધી 22 કિમી સુધી રોડ શો યોજાવાનો છે. અને આ રોડ શોને ઇન્ડિયા રોડ શો નામ અપાયું છે. 

AMC સ્કૂલ બોર્ડના બાળકો પણ સાંસ્કૃતિક કાર્યક્રમ

રોડ શોને લઇ સ્ટેડિયમ રૂટથી ગાયો-શ્વાન દૂર કરાઇ રહ્યાં છે. આ ઉપરાંત કાર્યક્રમમાં દરેક રાજ્યનું સ્ટેજ બનાવામાં આવશે. દરેક રાજ્યના લોકો વેશભૂષામાં નૃત્ય રજૂ કરશે અને AMC સ્કૂલ બોર્ડના બાળકો પણ સાંસ્કૃતિક કાર્યક્રમ રખાશે. 

ટ્રમ્પના કાર્યક્રમને લઈ આરોગ્ય વિભાગની ખાસ સુવિધા

8 જિલ્લામાં આરોગ્ય વિભાગની 81 ટિમ સ્ટેન્ડ બાય રહેશે. માત્ર અમદાવાદ શહેરમાં 24 ટિમ સ્ટેન્ડ બાય રખાશે. દરેક ટીમમાં એક MBBS ડોકટર, નર્સ, પેરામેડીકલ સ્ટાફ હશે. આરોગ્ય સુવિધા માટે 93 પેરામેડીકલ સ્ટાફ કાર્યરત રહેશે.