IPLIN
 
  • Home
  • India
  • Partha Chatterjee suspended from Trinamool Congress

બંગાળ / ના ઘરના ના ઘાટના રહ્યાં પાર્થ ચેટરજી, CM મમતા બાદ હવે TMCએ તમામ હોદ્દા પરથી હટાવ્યાં

Team VTV 06:53 PM, 28 Jul 22
Follow us
Partha Chatterjee suspended from Trinamool Congress

બંગાળ સ્કૂલ ભરતી કૌભાંડના આરોપી પૂર્વ મંત્રી પાર્થ ચેટરજીને હવે તેમની પાર્ટીએ તમામ હોદ્દા પરથી હટાવવાની જાહેરાત કરી છે.

  • બંગાળના પૂર્વ મંત્રી પાર્થ ચેટરજીની સામે કાર્યવાહી
  • TMCએ તમામ હોદ્દા પરથી હટાવ્યાં
  • પહેલા સીએમ મમતા મંત્રી પદેથી હટાવી ચૂક્યા છે
  • સ્કૂલ ભરતી કૌભાંડમાં પાર્થ ચેટરજી ઈડીની કસ્ટડીમાં છે

બંગાળ સ્કૂલ ભરતી કૌભાંડમાં સંડોવાયેલા પાર્થ ચેટરજીને બેવડો ફટકો પડ્યો છે. પહેલા સીએમ મમતા બેનરજીએ તેમને મંત્રી પદેથી હાંકી કાઢ્યા હતા અને હવે તેમની પાર્ટી ટીએમસીએ પાર્થ ચેટરજીને બહારનો રસ્તો દેખાડી દીધો છે. ટીએમસીએ પાર્થ ચેટરજીને પાર્ટીના રાષ્ટ્રીય મહાસચિવ સહિતના તમામ પદેથી હટાવવાની જાહેરાત કરી દીધી છે. 

પાર્થ ચેટરજી ચાર હોદ્દા પરથી દૂર 
ટીએમસી સાંસદ અભિષેક બેનરજીએ કહ્યું કે પાર્ટીએ પાર્થ ચેટરજીને મહાસચિવ, રાષ્ટ્રીય નાયબ અધ્યક્ષ તથા બીજા ત્રણ હોદ્દા પરથી દૂર કરવાનો નિર્ણય લીધો છે. તેમણે કહ્યું કે જ્યાં સુધી તપાસ પૂરી ન થાય ત્યાં સુધી પાર્થ ચેટરજી પાર્ટીમાંથી બરખાસ્ત રહેશે. જો તેઓ નિર્દોષ સાબિત થશે તો તેમને પાર્ટીમાં પાછા લેવામાં આવશે. 

જે વ્યક્તિના ઘરમાંથી કેસ નીકળી રહી છે તેને ટીએમસી સાથે લેવાદેવા નથી 
અભિષેક બેનરજીએ કહ્યું કે સીએમ મમતાએ તેમને મંત્રીપદેથી હટાવ્યાં છે અને આ કેસમાં તપાસ ચાલુ છે અને જો કોઈ ખોટું કરશે તો ટીએમસી તેને ચલાવી નહીં લેય. બેનરજીએ કહ્યું કે જે વ્યક્તિના ઘરમાંથી રોકડ નીકળી રહી છે તે ટીએમસી સાથે કંઈ લેવાદેવા નથી. આ કૌભાંડમાં સંડોવાયેલાની સામે અમે કડક પગલાં ભરીશું. તેમણે કહ્યું કે ટીએમસીએ સાત દિવસની અંદર આ કેસમાં કાર્યવાહી કરી છે. હું માનું છું કે રોકડનો મોટો જથ્થો નીકળ્યો છે પરંતુ દરરોજ બેન્ક ફ્રોડ સામે આવી રહ્યાં છે ત્યારે ભાજપે શું પગલાં લીધા. નીરવ મોદી ભાગી ગયો, શું ભાજપે નિર્મલા સીતારામણને કાઢી મૂક્યા. 

સીએમ મમતા બેનરજીએ પાર્થ ચેટરજીને મંત્રી પદેથી પણ હટાવી દીધા છે

પાર્થ ચેટરજીને પહેલો ઝટકો તો ત્યારે લાગ્યો કે જ્યારે સીએમ મમતા બેનરજીએ તેમને મંત્રી પદેથી હટાવવાની જાહેરાત કરી હતી. પાર્થ ચેટરજી મમતા સરકારમાં ઉદ્યોગ મંત્રી હતા તેની સાથે તેઓ બીજા કેટલાક વિભાગો પણ જોતા હતા. 

partha chatterjee Mamata Banerjee Abhishek Banerjee પાર્થ ચેટરજી મમતા બેનરજી અભિષેક બેનરજી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ