LAC / રક્ષા મામલાની સંસદીય સમિતિ પૂર્વ લદ્દાખના પેંગોંગ અને ગલવાન ઘાટીની કરશે મુલાકાત : સૂત્ર

• સૈનિકોના પીછે હટની પ્રક્રિયામાં ભારતે કોઈ વિસ્તાર નથી છોડ્યો- રક્ષા મંત્રાલય
• નિર્ણય પેનલની ગત બેઠકમાં લેવામાં આવ્યો હતો
•  રાહુલ ગાંધી પણ આ સમિતિના સભ્ય છે

લદ્દાખ વિસ્તારની મુલાકાત કરવા ઈચ્છે છે સમિતિ

ભાજપના વરિષ્ઠ નેતા અને પૂર્વ કેન્દ્રીય મંત્રી જુએલ ઓરામની અધ્યક્ષતામાં 30 સભ્યોની સમિતિના સભ્યોએ મેના છેલ્લા અઠવાડિયામાં અથવા જૂનમાં પૂર્વ લદ્દાખ વિસ્તારની મુલાકાત કરવા ઈચ્છે છે. રાહુલ ગાંધી પણ આ સમિતિના સભ્ય છે.

નિર્ણય પેનલની ગત બેઠકમાં લેવામાં આવ્યો હતો

આ વિસ્તારોનો પ્રવાસ કરવાનો નિર્ણય પેનલની ગત બેઠકમાં લેવામાં આવ્યો હતો. જેમાં રાહુલ ગાંધી સામેલ નહોંતા. સૂત્રોનું કહેવું છે કે પૈનલ એલએસીનો પ્રવાસ ઈચ્છે છે. આ સરકારના નિર્ણય પર નિર્ભર છે. 

સૈનિકોના પીછે હટની પ્રક્રિયામાં ભારતે કોઈ વિસ્તાર નથી છોડ્યો- રક્ષા મંત્રાલય

ત્યારે રક્ષા મંત્રી રાજનાથ સિંહે ગુરુવારે સંસદમાં જાણકારી આપી હતી કે ચીનની સાથે પૈગોંગ લેકના ઉત્તર તથા દક્ષિણી કિનારો પર સેનાએ પીછે હટ કરવાની સમજૂતિ થઈ ગઈ છે અને ભારતે આ વાતચીતમાં કંઈ પણ ગુમાવ્યું નથી. તેમણે જણાવ્યું કે પૈંગોગ લેક વિસ્તારમાં ચીનની સાથે સેનાઓના પીછે હટવાની જે સમજૂતિ થઈ છે તેના અનુસાર બન્ને પક્ષો અગ્રિમ તૈનાતી ચરણબદ્ધ, સમન્વિત અને સત્યાપિત રીતે હટાવશે. તેમજ દેપસાંગ, હોટ સ્પ્રિંગ્સ અને ગોગરા સહિત અન્ય લંબિત સમસ્યાઓ બન્ને દેશના સૈન્ય કમાન્ડોની વચ્ચે આગામી વાર્તામાં ઉઠાવવામાં આવશે.

રાહુલે કરી ટિપ્પણી

કોંગ્રેસના પૂર્વ અધ્યક્ષ રાહુલ ગાંધીએ શુક્રવારે પૂર્વ લદ્દાખની એલએસી પર ચીની સેનાની પીછે હટની સમજૂતિને લઈને મોદી સરકાર ટિપ્પણી કરતા કહ્યું હતું કે  મોદીએ ભારતની જમીન ચીનને કેમ આપી, આપણા પીએમ કાયર છે. જેમણે ચીન સામે પોતાનું માથું ઝૂકાવી દીધુ. 

ભાજપને પલટ વાર

રાહુલની આ ટિપ્પણી પર ભાજપના નેતાઓએ પલટવાર કર્યો છે. પાર્ટી અધ્યક્ષ નડ્ડાએ કોંગ્રેસના નેતાએ આરોપોને જૂઠા ગણાવ્યા અને પૂછ્યું કે શું આ સેનાઓની પીછે હટની પ્રક્રિયાનું નેતૃત્વ કરી રહેલા સશસ્ત્ર દળોનું અપમાન નથી?

ભારતીય સેનાએ વીડિયો શેર કર્યો

નોંધનીય છે કે આ અંગે ભારતીય ભૂ સેના દ્વારા શેર કરવામાં આવેલા વીડિયોમાં પૈંગોગ લેકની દક્ષિણ કિનારાથી ચીનની પીપુલ્સ લિબરેશન આર્મી (પીએલએ)ના 3 ટેંકોને પાછળ હટાવતા અને ભારતીય સેનિકો દ્વારા એક ટેંકને પાછળ હટવતા જોઈ શકાય છે.  આ ઉપરાંત બન્ને પક્ષોએ સૈનિકોની વચ્ચે બેઠકની સંક્ષિપ્ત ફુટેજ પણ છે. સૂત્રોના જણાવ્યાનુંસાર ટેંકો અને અન્ય બખ્તરબંદ સૈન્ય સાધનોના સામાનને અથડામણવાળા સ્થાનોથી હટાવાની પ્રક્રિયા પૂરી થવાના આરે છે. જ્યારે લેકના ઉત્તર કિનારાથી સૈનિકોને પાછળ હટાવવાનું કાર્ય કરી રહ્યું છે.

નવ મહિના સુધી તણાવ ચાલૂ રાખ્યા બાદ આ સફળતા મળી 

ઉલ્લેખનીય છે કે સીમા પર નવ મહિના સુધી ગતિરોધ ચાલૂ રાખ્યા બાદ આ સફળતા મળી છે.  લોકસભા અને રાજ્યસભામાં આપવામાં આવેલા નિવેદનમાં રક્ષા મંત્રીએ હાલમાં જણાવ્યું કે હજું પણ પૂર્વ લદ્દાખમાં એક્ચ્યૂલ લાઈન ઓફ કન્ટ્રોલ પર તૈનાતી તથા પેટ્રોલિંગ અંગેના કેટલાક મુદ્દાઓ બચ્યા છે. જેને આગળની વાતચીતમાં રાખવામાં આવશે.