સંસદની એક સમિતિએ સભ્યોને 2020માં કેન્દ્રીય ગૃહ મંત્રી અમિત શાહના ટ્વિટર એકાઉન્ટ પર અસ્થાયી સમયની રોક લગાવવાની સાથે માઈક્રોબ્લોગિંગ સાઈટ દ્વારા ભારતનો ખોટો નક્શો દેખાડવાના મુદ્દે ગુરુવારે પ્રશ્નો કર્યા હતા આ માહિતી સૂત્રો દ્વારા મળી છે.
સંસદીય સમિતિની ટ્વિટરને ફટકાર
ભારતનો ખોટો નક્શો દેખાડવાને લઈને કર્યા પ્રશ્નો
અમિત શાહના ટ્વિટર એકાઉન્ટ પર અસ્થાયી સમયની માટે રોક માટે પણ કર્યા પ્રશ્નો
સૂચના પ્રૌદ્યોગિકી પર સંસદની સમિતિએ નાગરિકના અધિકારોની રક્ષા, સોશ્યલ મીડિયાનો દુરઉપયોગ અને સાથે મહિલાની સુરક્ષાને લઈને ફેસબુક, ટ્વિટર અને ઈલેક્ટ્રોનિક તથા સૂચના પ્રૌદ્યોગિકી મંત્રાલયના પ્રતિનિધિ સાથે અલગ અલગ બેઠક કરી હતી.
ટ્વિટરના પ્રતિનિધિઓની બેઠકમાં કરાયા આ પ્રશ્નો
ટ્વિટરના પ્રતિનિધિઓ સાથેની વાતમાં કેટલાક સભ્યોએ ગયા વર્ષે અમિત શાહના એકાઉન્ટ પર થોડા સમય માટે રોક લગાવવાના મુદ્દે પ્રશ્નો કર્યા હતા. આ બેઠકમાં ટ્વિટરને આ બાબતે ફટકાર પણ મળી હતી. બેઠક બાદ સૂત્રોએ જાણકારી આપી કે તેમાં મોટાભાગના ભાજપના સભ્યો હતા.
ભાજપના સભ્યોએ ટ્વિટરની પ્રણાલી પર કર્યા પ્રશ્નો
ભાજપના સભ્યોએ તથ્યોને ધ્યાનમાં રાખીને ટ્વિટરની પ્રણાલી પર પ્રશ્નો કર્યા હતા અને સાથે જ આશ્ચર્ય પણ કર્યું કે દેશના ગૃહમંત્રીના એકાઉન્ટ પર કેવી રીતે રોક લગાવી દેવામાં આવી હતી.
ટ્વિટર તરફથી સમિતિને મળ્યો આ વળતો જવાબ
ટ્વિટરે એ સમયે કહ્યું હતું કે કેટલીક ટેકનિકલ ખામીના કારણે અમિત શાહના એકાઉન્ટ પર થોડા સમય માટે રોક લગાવવામાં આવી હતી અને તરત જ તેમાં સુધારો કરી દેવાયો હતો. આ સાથે બેઠકમાં એક સભ્યએ કહ્યું કે કમિટીના સભ્યોએ ભારતનો ખોટો નક્શો દેખાડવાને લઈને પણ આ બેઠકમાં ટ્વિટરને પ્રશ્નો કર્યા હતા.