• Home
  • India
  • Parliament Winter Session Day 20 Lok Sabha Rajya Sabha Rahul Gandhi Statement

સંસદ / સંસદમાં હોબાળા બાદ પણ રાહુલે ફરી કહ્યું, 'રેપ ઈન ઈન્ડિયા' કહ્યું પણ હું માફી નહીં માંગુ

Team VTV 12:12 PM, 13 Dec 19 | Updated: 04:02 PM, 13 Dec 19
Parliament Winter Session Day 20 Lok Sabha Rajya Sabha Rahul Gandhi Statement

સંસદના આ શિયાળુ સત્રમાં સરકાર અનેક મહત્વના બિલ પાસ કરાવવામાં સફળ રહી છે. નાગરિકતા સંશોધન બિલને રાષ્ટ્રપતિ રામનાથ કોવિંદની પણ મંજૂરી મળી છે ત્યારબાદ તે એક કાયદાનું રૂપ લઈ લેશે. સંસદના છેલ્લા દિવસે રાહુલ ગાંધીએ આપેલા રેપ કેપિટલના નિવેદનને લઈને હોબાળો મચ્યો હતો. આ અંગે ભાજપના સાંસદોએ વિરોધ કર્યો અને કહ્યું કે રાહુલ ગાંધી માફી માંગે.

  • સંસદના શીતકાલીન સત્રનો છેલ્લો દિવસ
  • રાહુલ ગાંધીના નિવેદનને લઈને હોબાળો મચ્યો
  • ભાજપ સાંસદોનો વિરોધ, કહ્યું રાહુલ ગાંધી માફી માંગે

કોંગ્રેસના પૂર્વ અધ્યક્ષ રાહુલ ગાંધીએ માફી માંગવાની ના પાડી દીધી છે. રાહુલ ગાંધીએ કહ્યું કે હું આમની પાસે ક્યારેય માફી નહીં માંગું. પીએમ મોદીએ દિલ્હીને રેપ કેપિટલ કહ્યું હતું. ધ્યાન ભટકાવવાને માટે ભાજપ નેતાઓ હલ્લાબોલ કરી રહ્યા છે. મેક ઈન ઈન્ડિયાની વાત પીએમ મોદીએ કરી તો મેં રેપ ઈન ઈન્ડિયા કહ્યું છે.

રાહુલ ગાંધીએ કહ્યું કે નોર્થ ઈસ્ટને સળગાવી દો. બેરોજગારી, મંદીથી ધ્યાન ભટકાવવાને માટે અમારા નિવેદનને મુદ્દો બનાવવામાં આવી રહ્યો છે. પણ હું તેમની માફી માંગીશ નહીં.

રાહુલ ગાંધીએ ટ્વિટમાં લખ્યું છે કે મોદીજીએ માફી માંગવી જોઈએ. પૂર્વોત્તરને સળગાવવા માટે, ભારતની અર્થવ્યવસ્થાને ચૌપટ કરવા માટે. આ ભાષણ માટે. તેની ક્લિપ હું શેર કરી રહ્યો છું. આજે દેશભરમાં હિંસા થઈ રહી છે. પૂર્વોત્તરમાં હિંસા થઈ રહી છે. કાશ્મીરમાં હિંસા થઈ રહી છે. 

દેશ પાસે માફી માંગે રાહુલ ગાંધી- રાજનાથ સિંહ

રક્ષામંત્રી રાજનાથ સિંહે કહ્યું કે રાહુલ ગાંધીના નિવેદનથી અમે દુઃખી થીએ. રાહુલ ગાંધીએ આખા દેશની માફી માંગવી જોઈએ.

કનિમોઝીએ શું કહ્યું..

ડીએમકે સાંસદ કનિમોઝીએ કહ્યું કે રાહુલ ગાંધીએ સદનની બહાર નિવેદન આપ્યું હતું. તમે મારી પાસે જવાબ ઈચ્છો છો. મંત્રીએ મારું અને સુપ્રિયા સુલેનું નામ લીધું. પીએમ મેક ઈન ઈન્ડિયાને લઈને જે બોલે છે અમે તેમનું સન્માન કરીએ છીએ. પરંતુ દેશમાં શું થઈ રહ્યું છે. રાહુલ ગાંધી એ જ કહેવા ઈચ્છે છે મેક ઈન ઈન્ડિયા નથી થઈ રહ્યું અને દેશમાં મહિલાઓની સાથે રેપ થઈ રહ્યો છે. 

કાર્યવાહી 12 વાગ્યા સુધી સ્થગિત

હંગામા બાદ લોકસભા અને રાજ્યસભાની કાર્યવાહી 12 વાગ્યા સુધી સ્થગિત કરી દેવામાં આવી છે.

રાજ્યસભામાં રાહુલના નિવેદનને લઈને હંગામો

કોણે શં કહ્યું?

કેન્દ્રીય સંસદીય મંત્રી પ્રહલાદ જોષીએ કહ્યું કે અમે મેક ઈન ઈન્ડિયાનું સ્લોગન આપ્યું હતું. રાહુલ ગાંધીને શું થયું છે. તેઓ ભારતીય મહિલાઓ અને ભારત વિશે શું વિચારે છે. સ્મૃતિ ઈરાનીએ કહ્યું કે ઈતિહાસમાં પહેલીવાર થયું છે કે કોંગ્રેસ નેતા રેપ કેસમાં આવું નિવેદન આપી રહ્યા છે. તેઓ સાર્વજનિક રીતે કહી રહ્યા છે કે રેપ કરો. રાહુલ શું એમ કહી રહ્યા છે કે ભારતીય પુરુષોએ મહિલાઓનો રેપ કરવો જોઈએ. ગજેન્દ્ર સિંહે કહ્યું કે રાહુલ ગાંધી આવે અને માફી માંગે.

BJP સાંસદોએ રાહુલ પર કર્યો હુમલો

સંસદીય કાર્યમંત્રી પ્રહલાદ જોષીએ કહ્યું કે રાહુલ ગાંધીએ દેશની મહિલાઓને શું સમજીને રાખ્યું છે. સ્મૃતિ ઈરાનીએ કહ્યું કે રાહુલ ગાંધી શું સંદેશ આપવા ઈચ્છે છે. કેન્દ્રીય મંત્રી સ્મૃતિ ઈરાનીએ કહ્યું કે રાહુલ ગાંધી શું કરવા ઈચ્છે છે અને તેઓ શું એમ કહેવા ઈચ્છે છે કે મહિલાઓના રેપ થવા જોઈએ. તેઓ આ નિવેદન કેવી રીતે આપી શકે છે. બીજેપી સાંસદોએ રાહુલ ગાંધીને માફી માંગવાની માંગણી કરી છે. 

રાહુલ ગાંધી પાસે માફીની માંગણી

પ્રશ્નકાળ શરૂ થતાં પહેલાં બીજેપી સાંસદોએ લોકસભામાં કોંગ્રેસ સાંસદ રાહુલ ગાંધીને માફી માંગવા કહ્યું છે. ભાજપ સાંસદ સાધ્વી પ્રજ્ઞાને આતંકી ગણાવવા અને ભારતને રેપ કેપિટલના નિવેદનને લઈને માફી માંગવા કહ્યું છે.

rahul gandhi Parliament Winter session statement BJP માફી રાહુલ ગાંધી નિવેદન સંસદ

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ