Winter Session 2021 / સંસદનાં શિયાળુ સત્રમાં આવશે આટલા બિલ, જાણો હવે નવું શું કરવાની તૈયારીમાં છે મોદી સરકાર

• 29 નવેમ્બરે શરૂ થશે શિયાળુ સત્ર 
• અનેક બિલો પસાર કરાવવાની તૈયારીમાં મોદી સરકાર 
• સૌથી વધારે ચર્ચા કૃષિ કાયદા અને ક્રિપ્ટોકરન્સીનાં બિલની

ભારતમા કૃષિ કાયદાને લઈને ચાલી રહેલા રાજકારણ વચ્ચે 29 નવેમ્બરથી સંસદમાં શિયાળુ સત્ર ચાલુ થવા જઈ રહ્યું છે. આ શિયાળા સત્રમાં કોરોના વાયરસ પ્રોટોકોલ અનુસાર કામ કરવામાં આવશે જેમા વિપક્ષ પણ મોદી સરકારને ઘેરવાની પૂરી તૈયારીમાં છે. 

મોંઘવારી, આતંકવાદ, લખીમપુર ખીરી હિંસા અને કૃષિ કાયદાના મુદ્દાઓ પર વિપક્ષ સતત મોદી સરકાર પર હુમલા કરી રહ્યું છે ત્યારે સામે પક્ષે મોદી સરકાર કુલમ 26 ખરડા સંસદમાં મૂકવાની તૈયારીમાં છે. 26 બિલ માંથી સૌથી વધારે ચર્ચા અત્યારે કૃષિ કાયદા રદ્દ કરવાનું બિલ અને ક્રિપ્ટોકરન્સીનાં બિલની ચર્ચા થઈ રહી છે. 

લોકસભામાં સત્ર દરમિયાન રિઝર્વ બૅન્ક દ્વારા ભારતની પોતાની આધિકાર ડિજિટલ કરન્સીને લઈને બિલ પસાર કરાવવામાં આવશે. જો કે આ બિલમાં શું હશે તે હજુ સુધી મીડિયા સામે આવી શક્યું નથી પરંતુ પ્રાઇવેટ કરન્સીને પ્રતિબંધ કરવાની તૈયારીમાં મોદી સરકાર દેખાઈ રહી છે. 

હાલમાં આ પ્રકારની કરન્સી પર કોઈ પ્રકારનાં નિયમો નથી અને પ્રતિબંધ પણ નથી. આ મુદ્દે પ્રધાનમંત્રી મોદીએ પહેલા જ કહ્યું હતું કે આવી કરન્સીથી યુવાધન બરબાદ થવું જોઈએ નહીં. આ સાથે જ એક બાદ એક અનેક બેઠકો બાદ કોઈ મોટો નિર્ણય લેવામાં આવ્યો છે જે શિયાળુ સત્રમાં ખબર પડી જશે. 

આ સાથે જ દેશના ત્રણ કૃષિ કાયદાને રદ્દ કરવાનું બિલ પણ રજૂ કરવામાં આવશે. ભારતમા આશરે એક વર્ષ આ ત્રણ કૃષિ કાયદા બનાવવામાં આવ્યા હતા જેનો ત્યારથી જ કેટલાક સંગઠનો દ્વારા વિરોધ કરવામાં આવી રહ્યો છે. પ્રધાનમંત્રી મોદીએ હાલમાં જ પોતાના સંબોધનમાં માફી માંગતા કહ્યું હતું કે આ કાયદા રદ્દ કરી દેવામાં આવશે, ગઇકાલે જ કેબિનેટની બેઠકમાં બિલને મંજૂરી આપી દેવામાં આવી છે અને તે બાદ હવે સંસદમાં આ બિલ મૂકવામાં આવે છે. 

આ સિવાય આ સત્રમાં માદક પદાર્થને લઈને સંશોધક બિલ પણ રજૂ કરવામાં આવશે. આ સિવાય હાઈકોર્ટ અને સુપ્રીમ કોર્ટનાં જજોની સેલેરીને લઈને પણ બિલ પસાર કરવામાં આવશે.