નિર્ણય / સાંસદોને હવે સંસદમાં સસ્તામાં નહીં મળે ભોજન, બંધ કરાશે સબસિડી

• સંસદમાં કેન્ટિન સબસિડી થશે ખત્મ 
• તમામ સાંસદોએ બતાવી સહમતિ
• સ્પીકરના પ્રસ્તાવ પર તમામ સાંસદોની સહમતિ

નોંધનીય છે કે, લોકસભાના સ્પીકર ઓમ બિરલાએ આપેલા સૂચન બાદ તાજેતરમાં એક બિઝનેસ એડવાઈઝરી કમિટીએ આ મુદ્દે ચર્ચા કરી હતી. જેમાં તમામ પાર્ટીઓ આ અંગે સહમત થઈ હતી. 

વર્ષે 17 કરોડ રૂપિયાની થશે બચત

અત્રે ઉલ્લેખનીય છે કે, જો સંસદની કેન્ટીનમાં સબસિડીને હટાવી દેવામાં આવે તો તેનાથી વર્ષે 17 કરોડ રૂપિયાની બચત થઇ શકે છે. લોકસભામાં કેન્ટીનમાં પણ ભોજનના ભાવમાં વધારો કરવામાં આવ્યો હતો અને સબસિડીનું બિલ ઓછું કરી દેવામાં આવ્યું હતું. પણ હવે તો આ સબસિડીને પૂરી રીતે ખતમ કરવાની તૈયારીઓ શરૂ થઈ છે.

અનેક વખત વિવાદમાં રહી છે સંસદ કેન્ટીનની સબસિડી 

સંસદની કેન્ટીનમાં મળતી સબસિડી આ પહેલા પણ ઘણી વાર વિવાદોનો એક ભાગ રહી છે. તાજેતરમાં સંસદની કેન્ટીનના દરની યાદી પણ વાયરલ થઈ હતી. સબસિડી અંતર્ગત દેશના સાંસદોની સંસદની કેન્ટિનમાં ખાદ્યપદાર્થો ખૂબ ઓછા ભાવે મળતા હતા.