સંસદના બજેટ સત્રનો બીજો તબક્કો આજથી શરૂ થઈ રહ્યો છે. આ સત્રમાં વિપક્ષે સરકારને ઘેરવાનો સમગ્ર પ્લાન બનાવી લીધો છે.
સંસદના બજેટ સત્રનો બીજો તબક્કો
રાજ્યસભા અને લોકસભા એક સાથે ચાલશે
11 વાગ્યાથી કાર્યવાહી શરૂ થશે
સંસદના બજેટ સત્રનું બીજૂ ચરણ આજથી શરૂ થઈ રહ્યું છે. જેમાં વિપક્ષ સરકારને વધતી બેરોજગારી, કર્મચારી ભવિષ્ઠ નિધિ પર વ્યાજ દરમાં કાપ અને યુદ્ધગ્રસ્ત યુક્રેનમાં ફસાયેલા ભારતીયોની નિકાસી સહિત કેટલાય મુદ્દા પર સરકારને ઘેરવાની કોશિશ કરી શકે છે. બજેટીય પ્રસ્તાવો માટે સંસદની મંજૂરી લેવી અને કેન્દ્રશાસિત પ્રદેશ જમ્મુ કાશ્મીર માટે બજેટ રજૂ કરવુ સરકારનો મુખ્ય એજન્ડા રહેશે.
જમ્મુ કાશ્મીર માટે બજેટ રજૂ કરશે નાણામંત્રી
નાણામંત્રી નિર્મલા સીતારમણ જમ્મુ કાશ્મીર માટે બજેટ રજૂ કરશે અને સદનમાં તેને બપોરે ભોજન બાદ કાર્યવાહી દરમિયાન ચર્ચમાં લાવી શકે છે. સરકારે સંવિધાન (અનુસૂચિત જનજાતિ) આદેશ સંશોધન બિલને લોકસભઆમાં વિચાર કરવા અને પસાર કરવા માટે સૂચીબદ્ધ કર્યું છે. બજેટ સત્ર પહેલા ચરણમાં 29 જાન્યુઆરીથી 11 ફેબ્રુઆરી સુધી બે અલગ અલગ પાળીમાં લોકસભા અને રાજ્યસભાની કાર્યવાહી સંચાલિત કરી હતી.
લોકસભા અને રાજ્યસભ એક સાથે ચાલશે
અહીં ઉલ્લેખનીય છે કે, આ વખતે કોવિડની હાલતમાં ઘણો સુધારો આવ્યો છે, તેના કારણે લોકસભા અને રાજ્યસભાની કાર્યવાહી 11 વાગ્યાથી સાથે સાથે ચાલશે. સંસદ સત્રનો બીજો તબક્કો એવા સમયે શરૂ થઈ રહ્યો છે. જ્યારે થોડા દિવસ પહેલા જ પાંચ રાદ્યોની ચૂંટણીના પરિણામ આવ્યા છે. અને તેમાં ચાર રાજ્યમાં ભાજપ અને પંજાબમાં આપ પાર્ટીનો ભવ્ય વિજય થયો છે.