અફઘાન કટોકટી / ભારતની 'ભેટ' ના બુરા હાલ કરવાની તૈયારીમાં તાલિબાન, જાહેરાત થતા જ દેશમાં વધી ચિંતા

• તાલિબાન અફઘાની સંસદ ભવનને  ઈસ્લામિક શૂરા બનાવશે
• તાલિબાની પ્રવક્તાએ કરી જાહેરાત, કોઈ વિશેષ હેતુ માટે વપરાશે સંસદ ભવન
• ભારતને અફઘાનને સંસદ ભવનની ભેટ આપી છે
• અફઘાનની સંસદ ભવનને બનાવવામાં ભારતે આવ્યો છે 4.50 કરોડ ડોલરનો ખર્ચ 

તાલિબાની પ્રવક્તા સુહૈલ શાહીને જણાવ્યું કે ભારતે ભેટમાં આપેલી અફઘાની સંસદ ભવનનો કોઈ ખાસ હેતુ માટે ઉપયોગ કરવામાં આવશે તેનો ઉપયોગ શૂરા અથવા ઈસ્લામિક શૂરા માટે કરી શકાય છે.અરબી ભાષામાં શૂરાનો અર્થ પરામર્થ સમિતિ અથવા પરિષદ થાય છે. 

અફઘાની સંસદ ભવન ભારતની દેન છે 

ભારતે અફઘાનમાં મિત્રતાના પ્રતિક તરીકે સંસદ ભવન પરિયોજના શરુ કરી હતી. અંદાજે લગભગ ચાર કરોડ 50 લાખ ડોલરના ખર્ચવાળી આ યોજનાની આધારશિલા ઓગસ્ટ 2005 માં રાખવામાં આવી હતી. ઈમારતની આધારશિલા 29 ઓગસ્ટ 2005 ના રોજ રાજા મોહમ્મદ ઝહીર શાહ, પૂર્વ રાષ્ટ્રપતિ હામિદ કરઝાઈ તથા ભારતના તત્કાલિન વડાપ્રધાન મનમોહન સિંહ દ્વારા રાખવામાં આવી હતી. પ્રધાનમંત્રી મોદીએ 2015 માં આ બિલ્ડિંગનું ઉદ્ધાન કર્યું હતું. 

Past & Future. On 1 side the Dar ul Aman palace bombed out by Taliban. On the other the shining new Parliament bldng pic.twitter.com/q0dlcZMJ0N

— Arindam Bagchi (@MEAIndia) December 25, 2015

અફઘાનિસ્તાનની સંસદ મુઘલ અને આધુનિક આર્કિટેક્ટનું મિશ્રણ 

આ પ્રોજેક્ટની કલ્પના માટે મોદીએ અટલ બિહારી વાજપેયીને શ્રેય આપ્યો હતો. ઉદ્ઘાટન વાજપેયીના 91 માં જન્મદિવસે થયું હતું. અફઘાનિસ્તાનની આ સંસદમાં એક હોલનું નામ અટલ બિહારી વાજપેયીના નામ પરથી રાખવામાં આવ્યું છે. આ હોલનું નામ અટલ બ્લોક છે.અફઘાનિસ્તાનની સંસદ મુઘલ અને આધુનિક આર્કિટેક્ટનું મિશ્રણ છે. રાજસ્થાન અને ભારતના અન્ય રાજ્યોમાંથી મોકલાયેલ સફેદ આરસપહાણ ફ્લોર પર સ્થાપિત થયેલ છે. સંસદ મુખ્યત્વે ચાર ભાગોમાં વહેંચાયેલો છે, હાઉસ ઓફ ધ પીપલ, ઓફિસ, એન્ટ્રન્સ લોબી અને સેનેટ હોલ.

આ બિલ્ડિંગમાં અનુક્રમે 294 અને 190 બેઠકોની ક્ષમતા ધરાવતી વેલીંગલ પાર્લા (હાઉસ ઓફ ધ પીપલ) અને મેશરાનો જર્ગા (હાઉસ ઓફ ધ એલ્ડર્સ) માટે બે સત્ર હોલ છે. તેમાં લોબી, સંસદસભ્યો માટે કચેરીઓ, કોન્ફરન્સ રૂમ, પુસ્તકાલય, ડાઇનિંગ રૂમ અને અન્ય સુવિધાઓ સાથે પ્રેસ રૂમ પણ છે.

સંસદ ભવનના દુરપયોગની ભારતને આશંકા 
તાજેતરમાં સોશિયલ મીડિયા પર વાયરલ થયેલા વીડિયોમાં તાલિબાની લડાકૂઓે અફઘાન સંસદમાં હથિયારો લઈને ઘુસી ગયા હતા. કેટલાક લડાકૂઓ ખુરશી પર પણ બેસી ગયા હતા. તેથી હવે ભારતને આ બિલ્ડિંગના દુરપયોગની આશંકા છે.