ધર્મ / પરિવર્તિની એકાદશી પર અચૂક કરો આ 5 ઉપાય, ભગવાન વિષ્ણુ નસીબનું ચક્ર સમૃદ્ધિ તરફ ફેરવશે

વર્ષમાં 24 એકાદશી આવે છે. જે બધી ભગવાન વિષ્ણુને સમર્પિત છે. જયંતી એકાદશી એટલે કે પરિવર્તની એકાદશી પણ તેમાંથી જ એક છે. જેનું સનાતન ધર્મના લોકો માટે ખાસ મહત્વ છે. ભાદરવા મહિનામાં આવનાર શુક્લ પક્ષની એકાદશીને પરિવર્તની એકાદશી કહેવામાં આવે છે. આ દિવસે ભગવાન વિષ્ણુની પૂજા કરવાની સાથે સાથે વ્રત કરવું જોઈએ.

ક્યારે છે પરિવર્તની એકાદશી?

વૈદિક પંચાંગ અનુસાર આ વખતે ભાદરવા મહિનામાં આવનાર શુક્લ પક્ષની તિથિનો આરંભ 13 સપ્ટેમ્બર 2024એ મોડી રાત્રે 10.30 મિનિટથી થઈ રહ્યો છે. જેનું સમાપન બીજા દિવસ 14 સપ્ટેમ્બરે રાત્રે 8.41 મિનિટ પર થશે. એવામાં ઉદયાતિથિના આધાર પર પરિવર્તની એકાદશીનું વ્રત 14 સપ્ટેમ્બર 2024એ થશે.

વિષ્ણુ પૂજાનું શુભ મુહૂર્ત

પરિવર્તની એકાદશીના દિવસે વિષ્ણુજીની પૂજાનુ અભિજીત મુહૂર્ત સવારે 11.52 મિનિટથી લઈને બપોર બાદ 12.41 સુધી છે. આ દિવસે દેવી-દેવતાઓની પૂજા માટે વિજય મુહૂર્ત પણ શુભ છે. બપોરે 2.20 મિનિટથી લઈને બપોર બાદ 3.09 મિનિટ સુધી છે. ત્યાં જ વ્રતના પારણાનો સમય 15 સપ્ટેમ્બર 2024એ સાંજે 6.06 મિનિટથી લઈને સવારે 8.34 મિનિટ સુધી છે.

પરિવર્તની એકાદશીના પ્રભાવશાળી ઉપાય

• પરિવર્તની એકાશીના દિવસે ભગવાન વિષ્ણુની પૂજા કરતા પહેલા તેમના સામે ચાંદીના અમુક સિક્કા મુકો. પૂજા સમાપ્ત થયા બાદ લાલ કપડામાં તે સિક્કાને બાંધીને તિજોરીમાં મુકી દો. આ ઉપાયથી તમારા ઘરમાં ધનનું આગમ થશે અને આર્થિક સ્થિતિ મજબૂત થઈ જશે.
• એરાદશીના શુભ દિવસે પીપળાના ઝાડની વિધિપૂર્વક પૂજા કરો. પીપળાના ઝાડમાં ખાંડ વાળુ પાણી અર્પિત કરો. સાથે જ ઝાડની સામે ઘીનો દીવો કરો. ધાર્મિક માન્યતા અનુસાર આ ઉપાયને સાચ્ચા મનથી કરવાથી પૈસાની કમીથી છુટકારો મળે છે. સાથે જ ખરાબ સ્વાસ્થ્યમાં સુધાર આવે છે.
• વિષ્ણુજીને પ્રસન્ન કરવા માટે પરિવર્તની એકાદશીના દિવસે જરૂરીયાતમંદ લોકોને તેલ, તલથી બનેલી વાનગી, ધન અને અન્નનું દાન કરવુ શુભ માનવામાં આવે છે. તેનાથી તમારા ઉપરનું દેવુ જલ્દી સમાપ્ત થઈ જશે. સાથે જ આર્થિક સ્થિતિમાં પણ સુધાર થઈ શકે છે.
• પરિવર્તિની એકાદશીના દિવસે શ્રી હરિની મૂર્તિનું દૂધ અને કેસરના મિશ્રણથી અભિષેક કરવું શુભ હોય છે. તેનાથી ઘર-પરિવારમાં સુખ-સમૃદ્ધિનો વાસ થાય છે.

વધુ વાંચો: નવરાત્રીના પહેલા દિવસે શનિ-રાહુ બનાવશે પિશાચ યોગ, આ જાતકોના લગ્ન, ધંધો, પ્રેમ પર ઘેરા સંકટનો પડછાયો

• જે લોકોના લગ્ન નથી થઈ રહ્યા તે પરિવર્તની એકાદશીના દિવસે ભગવાન વિષ્ણુને પીળા ફૂલોથી બનેલી માળા અને પીળી મિઠાઈ અર્પિત કરે. તો તેમને જલ્દી જ ખુશખરબી મળી શકે છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ