Paris Paralympics 2024 / હરવિંદર સિંહે ગોલ્ડ જીતીને રચ્યો ઈતિહાસ, પેરાલિમ્પિક્સમાં આવું કરનાર બન્યો પહેલો ભારતીય

પેરિસ પેરાલિમ્પિકમાં ભારતીય ખેલાડીઓ ધૂમ મચાવી રહ્યા છે. બુધવારે તીરંદાજ હરવિંદર સિંહે પુરુષોની રિકર્વ ફાઇનલમાં ગોલ્ડ મેડલ જીતીને ઇતિહાસ રચ્યો હતો. હવે પેરિસ પેરાલિમ્પિકમાં ભારતના 22 મેડલ છે. જેમાં 4 ગોલ્ડ, 8 સિલ્વર અને 10 બ્રોન્ઝનો સમાવેશ થાય છે. આ સાથે ભારત પેરાલિમ્પિક મેડલ ટેબલમાં 15માં સ્થાને પહોંચી ગયું છે. હરવિંદરે ફાઇનલમાં પોલેન્ડના લુકાઝ સિઝેકને 6-0થી હરાવીને ગોલ્ડ મેડલ જીત્યો હતો. તીરંદાજીમાં આ ભારતનો પહેલો પેરાલિમ્પિક ગોલ્ડ મેડલ છે અને તેમનો બીજો પેરાલિમ્પિક મેડલ પણ છે.

પેરાલિમ્પિક ગેમ્સમાં ભારતનો આ ચોથો ગોલ્ડ મેડલ હતો. હરવિંદરના ગોલ્ડ મેડલ સાથે ભારતના મેડલની સંખ્યા હવે 22 થઈ ગઈ છે. ભારતે અત્યાર સુધીમાં 4 ગોલ્ડ, 7 સિલ્વર અને 11 બ્રોન્ઝ મેડલ જીત્યા છે. હરવિંદર સિંહે ચાઈનીઝ તાઈપેઈના ત્સેંગ લુંગ હુઈને 7-3થી હરાવ્યા બાદ પ્રી-ક્વાર્ટર ફાઇનલમાં ઈન્ડોનેશિયાના સેતિયાવાનને 6-2થી હરાવ્યો હતો. ત્યારબાદ તેણે ક્વાર્ટર ફાઇનલમાં કોલંબિયાના હેક્ટર જુલિયો રામિરેઝને 6-2થી હરાવ્યો હતો. ત્યારબાદ હરવિન્દરે સેમિફાઈનલમાં તેના ઈરાની હરીફ મોહમ્મદ રેઝા આરબ અમેરીને 7-3થી હરાવીને ફાઇનલમાં પ્રવેશ કર્યો હતો.

કોણ છે હરવિંદર સિંહ?

હરિયાણાના અજીત નગરના ખેડૂત પરિવારના હરવિંદર જ્યારે 1.5 વર્ષના હતા ત્યારે ડેન્ગ્યુથી પીડિત હતા અને તેની સારવાર માટે તેને ઈન્જેક્શન આપવામાં આવ્યા હતા. આ ઈન્જેક્શનની આડ અસરોને કારણે તેના પગમાં ગતિશીલતા ઘટી ગઈ. પડકારો હોવા છતાં તેણે તીરંદાજી લીધી અને 2017 પેરા તીરંદાજી વર્લ્ડ ચેમ્પિયનશીપમાં તેની શરૂઆત પર સાતમું સ્થાન મેળવ્યું. હરવિન્દરે ત્રણ વર્ષ પહેલા ટોક્યો પેરાલિમ્પિક્સમાં બ્રોન્ઝ મેડલ જીતીને ઈતિહાસ રચ્યો હતો કારણ કે તે ભારતનો પહેલો તીરંદાજી મેડલ હતો. તીરંદાજીમાં સફળતાની સાથે તે અર્થશાસ્ત્રમાં પીએચડીની ડિગ્રી પણ લઈ રહ્યો છે.

PM મોદીએ અભિનંદન પાઠવ્યા

વડાપ્રધાન નરેન્દ્ર મોદીએ ગોલ્ડ મેડલ વિજેતા હરવિંદર સિંહને અભિનંદન પાઠવ્યા છે. પીએમ મોદીએ લખ્યું, પેરા તીરંદાજીમાં ખૂબ જ ખાસ ગોલ્ડ મેડલ. પેરાલિમ્પિક્સ 2024માં પુરુષોની વ્યક્તિગત રિકર્વ ઓપનમાં ગોલ્ડ મેડલ જીતવા બદલ હરવિન્દર સિંહને અભિનંદન. તેની સિદ્ધિથી ભારત ખૂબ જ ખુશ છે.

વધુ વાંચો : શ્વેતા તિવારીએ પ્લાસ્ટિક સર્જરી કરાવી? તસવીરો સોશ્યલ મીડિયા પર વાયરલ

પેરિસ પેરાલિમ્પિક્સ 2024માં ભારતના મેડલ વિજેતાઓ

1. અવની લેખરા (શૂટિંગ) – ગોલ્ડ મેડલ, મહિલાઓની 10 મીટર એર રાઈફલ (SH1)
2. મોના અગ્રવાલ (શૂટિંગ) – બ્રોન્ઝ મેડલ, મહિલાઓની 10 મીટર એર રાઈફલ (SH1)
3. પ્રીતિ પાલ (એથ્લેટિક્સ) – બ્રોન્ઝ મેડલ, મહિલાઓની 100 મીટર રેસ (T35)
4. મનીષ નરવાલ (શૂટિંગ) – સિલ્વર મેડલ, પુરુષોની 10 મીટર એર પિસ્તોલ (SH1)
5. રૂબિના ફ્રાન્સિસ (શૂટિંગ) – બ્રોન્ઝ મેડલ, મહિલાઓની 10 મીટર એર પિસ્તોલ (SH1)
6. પ્રીતિ પાલ (એથ્લેટિક્સ) – બ્રોન્ઝ મેડલ, મહિલાઓની 200 મીટર રેસ (T35)
7. નિષાદ કુમાર (એથ્લેટિક્સ) – સિલ્વર મેડલ, મેન્સ હાઈ જમ્પ (T47)
8. યોગેશ કથુનિયા (એથ્લેટિક્સ) – સિલ્વર મેડલ, મેન્સ ડિસ્કસ થ્રો (F56)
9. નીતિશ કુમાર (બેડમિન્ટન) – ગોલ્ડ મેડલ, મેન્સ સિંગલ્સ (SL3)
10. મનીષા રામદાસ (બેડમિન્ટન) – બ્રોન્ઝ મેડલ, મહિલા સિંગલ્સ (SU5)
11. તુલાસીમાથી મુરુગેસન (બેડમિન્ટન) – સિલ્વર મેડલ, મહિલા સિંગલ્સ (SU5)
12. સુહાસ એલ યથિરાજ (બેડમિન્ટન) – સિલ્વર મેડલ, મેન્સ સિંગલ્સ (SL4)
13. શીતલ દેવી-રાકેશ કુમાર (તીરંદાજી) – બ્રોન્ઝ મેડલ, મિશ્ર કમ્પાઉન્ડ ઓપન
14. સુમિત એન્ટિલ (એથ્લેટિક્સ) – ગોલ્ડ મેડલ, મેન્સ જેવલિન થ્રો (F64 કેટેગરી)
15. નિત્યા શ્રી સિવાન (બેડમિન્ટન) – બ્રોન્ઝ મેડલ, મહિલા સિંગલ્સ (SH6)
16. દીપ્તિ જીવનજી (એથ્લેટિક્સ) – બ્રોન્ઝ મેડલ, મહિલાઓની 400 મીટર (T20)
17. મરિયપ્પન થાંગાવેલુ (એથ્લેટિક્સ) – બ્રોન્ઝ મેડલ, મેન્સ હાઈ જમ્પ (T63)
18. શરદ કુમાર (એથ્લેટિક્સ) – સિલ્વર મેડલ, મેન્સ હાઈ જમ્પ (T63)
19. અજીત સિંહ (એથ્લેટિક્સ) - સિલ્વર મેડલ, મેન્સ જેવલિન થ્રો (F46)
20. સુંદર સિંહ ગુર્જર (એથ્લેટિક્સ) – બ્રોન્ઝ મેડલ, મેન્સ જેવલિન થ્રો (F46)
21. સચિન સર્જેરાવ ખિલારી (એથ્લેટિક્સ) – સિલ્વર મેડલ, મેન્સ શોટ પુટ (F46)
22. હરવિન્દર સિંઘ (તીરંદાજી) – ગોલ્ડ મેડલ, પુરુષોની વ્યક્તિગત રિકર્વ ઓપન

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ