પેરિસ ઓલિમ્પિક 2024 / વિનેશ ફોગાટ હજુય સિલ્વર મેડલ જીતી શકે તેવી શક્યતા, કહાનીમાં વધુ એક ટ્વિસ્ટ બાકી

ભારતીય રેસલર વિનેશ ફોગાટ ઓલિમ્પિક ફાઇનલમાં પહોંચીને પણ મેડલ જીતી શકી નથી. 29 વર્ષની વિનેશનું ફાઈનલ મેચના દિવસે સવારે કુસ્તીબાજોનું વજન કરવામાં આવ્યું જેમાં તેનું વજન 100 ગ્રામ વધુ હતું. જેના કારણે વિનેશને ગેરલાયક ઠેરવવામાં આવી હતી અને તેને સિલ્વર મેડલ પણ આપવામાં આવ્યું નથી. આ દરમિયાન વિનેશે કુસ્તીમાંથી પણ સંન્યાસ લઈ લીધો છે.

ભારતીય કુસ્તીબાજ વિનેશ ફોગાટે બુધવારે પેરિસ ઓલિમ્પિક્સની મહિલા કુસ્તી 50 કિગ્રા ફાઇનલમાં તેણીની ગેરલાયકાત સામે કોર્ટ ઓફ આર્બિટ્રેશન ફોર સ્પોર્ટ (CAS)માં અપીલ કરી હતી અને માંગ કરી હતી કે તેણીને સંયુક્ત સિલ્વર મેડલ આપવામાં આવે.

જાણીતું છે કે ઓલિમ્પિક રમતો દરમિયાન અથવા ઉદઘાટન સમારોહના 10 દિવસના સમયગાળા દરમિયાન ઉદ્ભવતા કોઈપણ વિવાદના નિરાકરણ માટે અહીં એડ-હોક વિભાગની સ્થાપના કરવામાં આવી છે. આ કેસની સુનાવણી ગુરુવારે એટલે કે આજે સવારે થશે એન આજે જો નિર્ણય વિનેશ તરફ આવ્યો તો ભારતને સિલ્વર મેડલ હજુ પણ મળી શકે છે.

વધુ વાંચો: 'મા હું હારી ગઈ...', ચેમ્પિયન વિનેશ ફોગાટે કુશ્તીને કહ્યું અલવિદા, X પર કર્યું સંન્યાસનું એલાન

વિનેશ ફોગાટની માંગ છે કે તેને સંયુક્ત સિલ્વર મેડલ આપવો જોઈએ. આ સાથે તેણે ફાઈનલ મેચ રમવાની પરવાનગી પણ માંગી હતી, જે ફગાવી દેવામાં આવી હતી. હવે વિનેશની સિલ્વર મેડલની માંગ પર નિર્ણય લેવાનો છે. હવે કોર્ટ 11:30 વાગ્યે પોતાનો ચુકાદો આપશે અને વિનેશની તરફેણમાં ચુકાદો કચે છે તો IOCએ સંયુક્ત રીતે વિનેશને સિલ્વર મેડલ આપવો પડશે. એટલે કે 50 કિલોગ્રામ મહિલા કુશ્તીની ફાઈનલ મેચમાં હારેલી કુસ્તીબાજની સાથે વિનેશે પણ સંયુક્ત રીતે સિલ્વર મેડલ જીતશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ