IPLIN
 

બૉલીવુડ / પરેશ રાવલે કહ્યું, હજુ પણ કેટલાંક નિમ્ન કક્ષાના લોકો અક્ષય કુમારને...

Team VTV 08:31 PM, 01 Apr 20
Follow us
Paresh Rawal slams Akshay kumar trolls and praises his donation for coronavirus fund

વૈશ્વિક મહામારી કોરોના વાયરસથી સંક્રમિત લોકોની સંખ્યામાં વધારો થઈ રહ્યો છે. દેશમાં કોરોનાથી અત્યાર સુધીમાં 1300થી વધુ લોકો પ્રભાવિત થયા છે, જ્યારે 35થી વધુ લોકોએ જીવ ગુમાવ્યો છે. આ મુશ્કેલ સમયમાં વડા પ્રધાન નરેન્દ્ર મોદીએ દેશના લોકોને આર્થિક સહાયની અપીલ કરી છે, ત્યારથી લોકો મોટી સંખ્યામાં મદદ કરી રહ્યા છે. બોલિવૂડ સ્ટાર્સ પણ આમાં પાછળ નથી.

સંકટની આ ઘડીમાં અક્ષય કુમારે 25 કરોડ રૂપિયાની આર્થિક સહાય આપીને પોતાનું મોટું હૃદય બતાવ્યું છે. લોકો અક્ષયના આ પગલાની પ્રશંસા કરી રહ્યા છે. ખુદ PM મોદીએ પણ તેમની પ્રશંસા કરી છે. અક્ષય પાસે કેનેડિયન નાગરિકતા છે જેના કારણે તેમને ઘણીવાર ટ્રોલ કરવામાં આવે છે. આવા લોકોને જડબાતોડ જવાબ આપતા અભિનેતા પરેશ રાવલે આવા લોકોને પોતાની અસલિયત બતાવી છે.

Source : Instagram

પરેશ રાવલે ટ્વિટ કર્યું હતું કે 'કોઈ સ્વાર્થ માટે કે કોઈ રાજકીય કારકીર્દિ બનાવવાની ઇચ્છા માટે નહીં, કે રાજદૂત અથવા સરકારની તરફેણ માટે પણ નહીં. અક્ષય એક નમ્ર નાગરિક છે જે પોતાનો કર પ્રામાણિકપણે ચૂકવે છે અને ઉત્સાહથી દાન કરે છે. હજી પણ કેટલાક નિમ્ન કક્ષાના લોકો અક્ષય કુમારને કેનેડિયન નાગરિક કહે છે!

 

આ ઉપરાંત એક અન્ય ટ્વીટમાં પરેશ રાવલે લખ્યું છે કે, 'અક્ષય એક એવા 'ખેલાડી' છે સાચા હૃદયથી રમે છે. તમને ઓળખવામાં અને તમારી સાથે કામ કરવામાં ગર્વ અનુભવું છું અક્ષય કુમાર!'

અક્ષય સિવાય સલમાન ખાન પણ મદદ માટે આગળ આવ્યો છે. મીડિયા રિપોર્ટ્સ અનુસાર, સલમાન તેની સંસ્થા બીઇંગ ફાઉન્ડેશન દ્વારા દૈનિક વેતન વાળા મજૂરોની મદદ કરી રહ્યો છે. સલમાન એવા 25 હજાર મજૂરોને મદદ કરી રહ્યો છે જેમને આ સમયે પૈસાની ખૂબ જ જરૂર છે.

પરેશ રાવલે સલમાન ખાનના પણ આ પગલાની પ્રશંસા કરી છે. પરેશ રાવલે પોતાની ટ્વિટમાં લખ્યું કે, દરિયા દિલ સલમાન ખાનને સલામ છે.

 

 

paresh rawal Akshay Kumar Salman khan Coronavirus પરેશ રાવલ અક્ષય કુમાર સલમાન ખાન કોરોના વાયરસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ