IPLIN
 

બોલીવૂડ / દિકરાને બોલીવૂડમાં લૉન્ચ કરવા પર પરેશ રાવલનો મોટો ખુલાસો કહ્યું, મારી પાસે એટલા પૈસા નથી કે...

Team VTV 12:41 PM, 19 Jul 21
Follow us
paresh rawal made a big disclosure on the launch of son aditya

બોલીવૂડ અભિનેતા પરેશ રાવલ ઘણા વર્ષોથી ફેન્સને એન્ટરટેઇન કરી રહ્યાં છે. તેવામાં પરેશે પોતાના દિકરા આદિત્યને બોલીવૂડમાં લોન્ચ કરવાની વાતને લઇને મોટો ખુલાસો કર્યો છે. 

  • પરેશ રાવલે ચોંકાવનારો ખુલાસો કર્યો 
  • દિકરા આદિત્યને લોન્ચ કરવા પર પાડ્યો પ્રકાશ
  • મારી પાસે પૈસા નથી કે હું દિકરાને...

ઇન્ટરવ્યૂમાં કર્યો ખુલાસો

એક ઇન્ટરવ્યૂમાં પરેશે કહ્યું કે, હું મારા દિકરાને લોન્ચ ન કરી શકુ કારણકે મારી પાસે એટલા રૂપિયા નથી. મારા દિકરાને લોન્ચ કરવા માટે તમારે એક મોટી મશીનરીની જરૂરત છે પરંતુ આ ઠીક નથી? તેણે પોતે જ એટલી મહેનત કરવી પડશે કે લોકો નોટિસ કરે. બમફાડમાં તેણે સારુ કામ કર્યુ છે અને હવે તે હંસલ મહેતા સાથે કામ કરી રહ્યો છે. તેનું સારુ કામ જ તેને કામ અપાવશે તેના માટે પિતાની ભલામણની કોઇ જરૂર નથી. 

 

 

આજની પેઢીને સલાહની જરૂર નહી

આદિત્ય વિશે વાત કરતા પરેશ રાવલે કહ્યું કે, હું જાણુ છુ કે તે કેટલા અનુશાસન, ફોકસ અને ડેડીકેશન સાથે કામ કરે છે માટે મે તેને કોઇ શીખામણ નથી આપી. સાથે મને લાગે છે કે દરેક પેઢી પોતાનો રસ્તો જાતે સિલેક્ટ કરે તેવી તક આપણે આપવી જોઇએ. તે સ્માર્ટ અને ઇમાનદાર છે. આ પેઢીને તમારી સલાહની જરૂર નથી. માટે તે કોઇ પ્રશ્ન પૂછે તો તેને દિશા આપો સલાહ નહી. તેમને માત્ર સપોર્ટની જરૂર છે. 

 

 

થોડા સમય પહેલા મોતની ઉડી હતી અફવા

બોલીવુડના જાણીતા અભિનેતા પરેશ રાવલ દ્વારા એક રોજ સોશ્યલ મીડિયા પર પોતાના મૃત્યુની ખબર પર  સ્પષ્ટતા કરવી પડી હતી. અભિનેતા દ્વારા એક ટ્વિટનો સ્ક્રીનશૉટ શૅર કરાયો હતો. જેમાં હિન્દીમાં શોક સંદેશ સાથે તેમની તસ્વીર પણ હતી, સાથે તેમાં જણાવવામાં આવ્યું હતું કે ' પરેશ રાવલ - ફિલ્મ ઈન્ડસ્ટ્રીના એક સભ્યનું 14 મે ના રોજ અવસાન થયેલ છે. 

હસીને પ્રતિક્રિયા આપતી વખતે 65 વર્ષના અભિનેતાએ ટવીટ કર્યુ, "માફ કરજો મિસઅન્ડસ્ટેન્ડિંગ માટે, પણ હું સવારે 7 વાગ્યે સૂતો હતો"

એક ફેન્સે કમેંટ કર્યુ, "આ ખબર પર કાર્યવાહી થવી જોઈએ . હું આવી પ્રકારના મજાક સહન નહીં કરી શકું . તમે મારા બેસ્ટ સર છો . હું ભગવાનથી પ્રાર્થના કરીશ કે આવો દિવસ ક્યારેય પણ ના આવે".

 

 

એક અન્ય પ્રશંસક દ્વારા ટવીટ કરવામાં આવ્યું, "દરેક દિગ્ગજ અભિનેતાઓ માટે સન્માન હોવું જરૂરી છે . કોઈના પણ ખોટા મૃત્યુની જાણકરી આપીને વધારે લાઇક અને શેરનો લાભ ન લઈ શકાય. આવા લોકોને સમાજમાં સ્વીકાર કરવામાં આવતા નથી.  

પરેશ રાવલના આગામી પ્રોજેક્ટની વાત કરીએ તો , તે હવે હંગમા - 2 નામની ફિલ્મમાં જોવા મળશે. આ  ફિલ્મ 2003માં બનેલી  હંગામા ફિલ્મનો બીજો ભાગ હશે. આ ફિલ્મમાં શિલ્પા શેટ્ટી , મિજાન જાફેરી અને પ્રણીતા સુભાષ પણ જોવા મળશે. 

paresh rawal Aditya rawal Bollywood News starkid
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ