ડિસેમ્બર / ગુજરાતમાં ઠંડીનો રાઉન્ડ શરૂ: આ વિસ્તારોમાં તાપમાન 10 ડિગ્રીથી નીચું જશે, જાણો પરેશ ગોસ્વામીની આગાહી

ડિસેમ્બર મહિનાની શરૂઆત થઈ ચૂકી હોવા છતાં કડકડતી ઠંડી જોવા મળી નથી. ત્યારે હવામાન નિષ્ણાત પરેશ ગોસ્વામીએ રાજ્યના હવામાન અને ઠંડીના રાઉન્ડ અંગે આગાહી કરી હતી. જેમાં તેઓએ જણાવ્યું હતુ કે તીવ્ર ઠંડીનો રાઉન્ડ શરૂ થશે અને તાપમાન 10 ડિગ્રી કરતાં નીચું જશે. તેઓએ વધુમાં જણાવ્યું હતુ કે અત્યારે મોટાભાગના વિસ્તારોમાં વાદળછાયું વાતાવરણ છે. કશ અને કાતરો બંધાયેલો છે, જે ચોમાસામાં વરાસદના રૂપમાં સારો એવો લાભ આપી શકે છે.

હિમવર્ષાની શરૂઆત

પરેશભાઇના જણાવ્યા મુજબ દક્ષિણ ભારતના ભાગોને પ્રભાવિક કરેલા ફેંઝલ વાવાઝોડાની અસર વાદળ સ્વરૂપે જોવા મળી રહી છે. આ વાદળો 6-7 તારીખથી વિખાઈ જશે. અત્યારે ઉત્તર ભારતના પહાડી પ્રદેશો પરથી એક મજબૂત વેસ્ટર્ન ડિસ્ટર્બન્સ પસાર થઈ રહ્યું છે. ત્યાં સારી એવી હિમવર્ષાની શરૂઆત થઈ ચૂકી છે.

આ પણ વાંચો: મર્યા બાદ પણ જુઓ કેવી મગજમારી! કડીમાં કાંસના પ્રદૂષિત પાણીમાંથી નીકળી અંતિમયાત્રા, વીડિયો દુખદ

ઉત્તર પૂર્વના પવનોના લીધે બર્ફીલા પવનો ગુજરાત સુધી આવે અને ઠંડીના રાઉન્ડ આવતા હોય છે. જેના કારણે 6-7 તારીખથી ઠંડીના રાઉન્ડની શરૂઆત થશે. આ રાઉન્ડમાં 10 ડિગ્રી કરતાં પણ નીચું તાપમાન જોવા મળશે. આ રાઉન્ડ ચાર-પાંચ દિવસનો હશે તેમ જણાવ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ