આમંત્રણ / 'તમે કોંગ્રેસમાં આવી જાઓ', હાર્દિક બાદ આ દિગ્ગજ નેતાએ નરેશ પટેલને આપ્યું ખુલ્લુ આમંત્રણ, રાજકારણ ગરમાયું

• હાર્દિક પટેલ બાદ હવે પરેશ ધાનાણી
• નરેશ પટેલને કોંગ્રેસમાં જોડાવા આમંત્રણ
• 'નરેશભાઇ સહિત સૌને કોંગ્રેસમાં આવકારીએ છીએ'

કોંગ્રેસના કાર્યકારી અધ્યક્ષ હાર્દિક પટેલે નરેશ પટેલને કોંગ્રેસમાં જોડાવાનું આમંત્રણ આપ્યા બાદ રાજકારણમાં ગરમાવો આવ્યો છે. જે બાદ હવે વિપક્ષ નેતા પરેશ ધાનાણીએ નરેશ પટેલને કોંગ્રેસમાં જોડાવા આમંત્રણ આપ્યું. રાજકોટ ગયેલા પરેશ ધાનાણીએ નરેશ પટેલને કોંગ્રેસમાં આવવા માટે આમંત્રણ આપ્યું છે. નરેશભાઇ સહિત સૌને કોંગ્રેસમાં આવકારીએ છીએ તેમ ધાનાણીએ જણાવ્યુ હતું વધુમાં એમ પણ કહ્યું કે કોંગ્રેસના માધ્યમથી સેવા કરવા માંગતા તમામનું સ્વાગત તેમ પરેશ ધાનાણીએ નિવેદન આપ્યું.

હાર્દિક પટેલે આપ્યુ હતુ આમંત્રણ

ગુજરાત વિધાનસભાની ચૂંટણીને લઇને રાજકીય ગરમાવો વધી રહ્યો છે તેમાં પણ ચૂંટણી નજીક આવતા સક્રિય થઇ ગયેલા હાર્દિક પટેલના નિવેદન બાદ તો રાજકારણમાં ભારે હલચલ જોવા મળી રહી છે. હાર્દિક પટેલે સુરતમાં નિવેદન આપતા જણાવ્યું હતું કે કોંગ્રેસમાં નરેશભાઈના નેતૃત્વમાં અમે લડવા તૈયાર બેઠા છીએ. 30 વર્ષથી એક જ પાર્ટીનું શાસન છે. સારા વ્યક્તિએ રાજકારણમાં આવવું જોઈએ, કોંગ્રેસમાં નરેશભાઈના નેતૃત્વમાં કામ કરવા તૈયાર છે અને પાર્ટી જે કહેશે તો સીએમનો ચેહરો હશે, અને નરેશભાઈના નેતૃત્વમાં અમે લડવા તૈયાર બેઠા છીએ. હાલમાં ભાજપ સમાજ ને ગુમરાહ કરવાનું કામ કરે છે જેથી નરેશભાઈ રાજકારણમાં આવશે તો સૌ આવકારશે, જે કોઈ પાર્ટીમાં જોડાય તે નિર્ણયને સમાજ અને અમે બધા પણ આવકારીશું. 

ચૂંટણી આવે ત્યારે હાર્દિક પટેલને યુવાનો દેખાય છે- જીતુ વાઘાણી
 
ભાજપના પ્રવક્તા જીતુ વાઘાણીએ હાર્દિક પટલને વળતો પ્રહાર કર્યો હતો. જીતુવાઘણીએ કહ્યું કે ચૂંટણી આવે ત્યારે જ હાર્દિક પટેલને યુવાનો દેખાય છે.? હવે યુવાનોને એકત્રિત કરવા અને આંદોલનની વાત કરે છે. કોંગ્રેસનો આંતરિક ડખો ખૂલીને બહાર આવી રહ્યો છે. આ ઉપરાંત એવો પણ આક્ષેપ લગાવ્યો કે વિધાનસભા ગૃહમાં અને બહાર કોંગ્રેસના અલગ ચહેરા છે.