કોમ્પ્યુટર પર કે મોબાઈલ પર ગેમ રમતા બાળકો આજકાલ વાલીઓ માટે ચિંતાન વિષય બન્યા છે. ધોરણ 7માં અભ્યાસ કરતાં પાલનપુરના વિદ્યાર્થીએ ગેમ સાથે સાથે જ્ઞાન પણ મળે તેવી ગેમ બનાવી છે.
મોબાઈલ પર ગેમ રમતા બાળકો આજકાલ વાલીઓ માટે ચિંતાન વિષય
બાળકો ગેમના વ્યસની બની જાય છે અને તેમનો સ્વભાવ ઝનૂની બની જાય છે
ધોરણ 7માં અભ્યાસ કરતાં એક વિદ્યાર્થીઓ ગેમ સાથે સાથે જ્ઞાન પણ મળે તેવી ગેમ બનાવી
કોમ્પ્યુટર પર કે મોબાઈલ પર ગેમ રમતા બાળકો આજકાલ વાલીઓ માટે ચિંતાન વિષય બન્યા છે. કેમ કે, વાલીઓનો એવો મત હોય છે કે, બાળકો ગેમના વ્યસની બની જાય છે અને તેમનો સ્વભાવ ઝનૂની બની જાય છે. જો કે, ગેમનું વળગણ દરેક બાળકને વિકૃત બનાવે તેવું નથી. કેટલાક કિસ્સામાં ગેમથી બાળકો ક્રિએટિવ પણ બન્યા હોવાનું સામે આવ્યું છે. આવો જ એક કિસ્સો પાલનપુરથી સામે આવ્યો છે, જ્યાં ધોરણ 7માં અભ્યાસ કરતાં એક વિદ્યાર્થીઓ ગેમ સાથે સાથે જ્ઞાન પણ મળે તેવી ગેમ બનાવી છે.
કેટલાક કિસ્સામાં ગેમથી બાળકો ક્રિએટિવ પણ બનતા હોય છે
કોમ્પ્યુટર પર ગેમ રમતા કોઈપણ બાળકોના આવા દ્રશ્યો આજકાલ વાલીઓ માટે ચિંતાન વિષય બન્યા છે.કેમ કે, વાલીઓનો એવો મત હોય છે કે, બાળકો ગેમના વ્યસની બની જાય છે અને તેમનો સ્વભાવ ઝનૂની બની જાય છે.જો કે, ગેમનું વળગણ દરેક બાળકને વિકૃત બનાવે તેવું નથી. કેટલાક કિસ્સામાં ગેમથી બાળકો ક્રિએટિવ પણ બન્યા હોવાનું સામે આવ્યું છે. આ જુઓ આ બાળકનું નામ છે યશ જે હાલ પાલનપુરના વિદ્યામંદિર સ્કૂલમાં ધોરણ 7માં અભ્યાસ કરે છે. તેને પણ ગેમ રમવાનું ઘણું વળગણ છે.પરંતુ તેનું વળગણ સંશોધનવૃત્તિમાં બદલાઈ ગયું છે. યશને ગેમ રમવાનો જબરો શોખ હોવાના કારણે એકદિવસ તેના માતા-પિતાએ ઠપકો આપ્યો હતો. આથી તે પોતાનો પ્રોબ્લેમ લઇને વિદ્યામંદિર સ્કૂલના ટેકનિકલ એક્સપર્ટ પાસે પહોંચ્યો હતો. જ્યાં તેણે ખુદ ગેમ રમવા સાથે સાથે જ્ઞાનવર્ધન પણ થાય તેવી કોઈ ગેમ વિશે ટેકનિકલ એક્સપર્ટ પાસે માહિતી માગી હતી. જો કે, ટેકનિકલ એક્સપર્ટે તેને એવી કોઈ ગેમ બતાવવાના બદલે યશને જાતે જ એવી ગેમ ડેવલપ કરવાનું કહ્યું હતું.
ગેમમાં વિજેતા થવા આપવા પડશે સાયન્સ,ગણિત સબંધિત સવાલોના જવાબો
આ નાનકડા યશે તેની કોઠાસૂઝને દાદ દેવી પડે તેવી છે. ગેમ રમવાનું તેનું વળગણ હવે તેના માતા પિતા માટે ચિંતાનો વિષય નહીં પરંતુ ગર્વની વાત બની ગઈ છે. સાયન્સ અને મેથ્સમાં રુચિ રાખનારા આ યશે અગાઉપણ મેક્સ ટૂલ નામની મોબાઇલ એપ્લિકેશન બનાવી હતી, ત્યારબાદ સાથી મિત્રોની મદદથી ઊંઘની સ્થિતિમાં ડ્રાઈવરને એલર્ટ કરે તેવા ચશ્મા પણ બનાવ્યા હતા. ત્યારે હવે યશે એક મહિનાની મહેનત અને ટેકનિકલ એક્સપર્ટ એવા શિક્ષકની મદદથી એક એવી ગેમ બનાવી છે જેમાં ગેમમાં એન્ટર થવા માટે અને વિજેતા થવા માટે સાયન્સ અને મેથ્સ સંબંધિત કેટલાક સવાલોના જવાબો આપવા ફરજિયાત હોય છે.
આમ, ઘણીવાર બાળકોની કુતૂહલ વૃત્તિને યોગ્ય માર્ગદર્શકનો સાથ મળી જાય તો બાળકોની સર્જનશક્તિ ખીલી ઊઠતી હોય છે. એટલે બાળકોને સતત ટોક્યા કરવાના બદલે તેના રસ રુચિ જાણી તેને યોગ્ય રસ્તે વાળવામાં આવે તો યશની જેમ દરેક બાળકો પોતાની પ્રતિભાનો પરિચય આપી શકે તેમ છે.