યુનાઇટેડ કિંગડમની પોલીસે માતા-પિતા માટે એલર્ટ જાહેર કર્યું છે. આ ચેતવણી કાર્ટૂન પાત્ર વિશે છે. પોલીસનું કહેવું છે કે બાળકોને 'હગ્ગી વુગી' (Huggy Wuggy) નામના કાર્ટૂન પાત્રથી દૂર રાખવાની જરૂર છે. આ બાળકો માટે ખતરો બની શકે છે.
બ્રિટનની પોલીસે કાર્ટૂન કેરેક્ટરને લઈને જાહેર કર્યુ એલર્ટ
'હગ્ગી વુગી' કેરેક્ટરથી પેરેન્ટ્સને કર્યા સાવધાન
બાળકો પર પડે છે નેગેટિવ અસર
કાર્ટૂન પાત્રો બાળકોના મનોરંજન માટે હોય છે. પરંતુ કેટલાક હાનિકારક પણ હોઈ શકે છે. યુનાઈટેડ કિંગડમની પોલીસે આવા જ એક કાર્ટૂન પાત્રને લઈને એલર્ટ જાહેર કર્યું છે. પોલીસે માતા-પિતાને 'હગ્ગી વુગી' નામના કાર્ટૂન પાત્રથી સતર્ક રહેવા જણાવ્યું છે.
પહોંચાડી શકે છે નુકસાન
એક વેબસાઈટમાં પ્રકાશિત થયેલા રિપોર્ટ અનુસાર, આ કાર્ટૂન કેરેક્ટર હાનિકારક લાગતું નથી. પરંતુ ખતરનાક પાત્ર છે. જેઓ બાળકોને તેની કૂદવાની પદ્ધતિઓથી રોમાંચિત કરે છે અને આમ કરવા માટે પ્રેરિત કરે છે. જે કરોડરજ્જુને નુકસાન પહોંચાડી શકે છે.
2021માં થયું હતું લોન્ચ
આ કાર્ટૂન કેરેક્ટર 2021માં લોન્ચ કરવામાં આવ્યું હતું. તે તીક્ષ્ણ દાંત અને વાંકડિયા વાળ ધરાવતું વાદળી રીંછ છે અને કાર્ટૂન શો પોપી પ્લેટાઇમમાં(Poppy Playtime) દેખાય છે. આ અંગે યુનાઇટેડ કિંગડમની સાઉથ-વેસ્ટ ઇંગ્લેન્ડ પોલીસે ચેતવણી આપી છે કે માતા-પિતાએ તેમના બાળકોને આ પાત્રનો વીડિયો જોવાથી રોકવું જોઇએ.
બાળકો પર નકારાત્મક અસર
પોલીસનું કહેવું છે કે આ વીડિયો જોયા બાદ બાળકોમાં નકારાત્મક અસર જોવા મળી શકે છે. આમાં બાળકોનું ડરવું, પરેશાન થવું અને ખરાબ સપના આવવા વગેરેનો સમાવેશ થાય છે. આ પાત્રની એક હોરર વિડીયો ગેમ પણ છે. PEGI12 રેટિંગવાળી આ ગેમ એપ અને એન્ડ્રોઇડ સ્ટોર પર ઉપલબ્ધ છે.