હોબાળો / '22 હજારની સીધી 40 હજાર સુધી ફી વધારો કરી દેવાયો' સુરતમાં વાલીઓનો શાળા સામે આરોપ

સુરતના ઉમરા વિસ્તારની શાળામાં વાલીઓનો હોબાળો કહ્યો છે. મેટાસ એડવેન્ટસ શાળામાં ચાલીસથી પચાસ ટકા ફી વધારાને લઈને વાલીઓએ હોબાળો કર્યો છે. જુનિયરથી લઇને ધોરણ 12 સુધીના અભ્યાસમાં ફી વધારાનો આરોપ કર્યો છે. 22 હજારની સીધી 40 હજાર સુધી ફી વધારો કરી દેવાયો છે. 

હાથમાં પોસ્ટર લઈ વાલીઓ રજુઆત માટે શાળાએ પહોંચ્યા હતા. રિડ્યુસ ટૂ ફિસ નામના હાથમાં પોસ્ટર અને પ્લે-કાર્ડ જોવા મળ્યા હતા.

મહત્વનું છે કે, વાલીઓનો આરોપ છે કે, ફીમાં ચાલીસથી પચાસ ટકાનો વધારો શાળા દ્વારા કરી દેવામાં આવ્યો છે. જોકે આ મામલે વાલીઓ દ્વારા શાળા સંચાલકને રજૂઆત કરવા છતાં શાળા સંચાલકો પોતાની મનમાની ચલાવી રહ્યાં છે. જેને લઇને વાલીઓએ હાથમાં પોસ્ટર લઇને ફી વધારાનો વિરોધ કર્યો હતો.

સેવન્થ ડે સ્કૂલના વાલીઓએ મચાવ્યો હોબાળો
સુરતની સેવન્થ ડે સ્કૂલમાં વાલીઓએ હોબાળો મચાવી દીધો છે. સેવન્થ ડે સ્કૂલમાં વાલીઓએ સ્કૂલ ફી વધારાનો વિરોધ કર્યો હતો. વાલીઓએ હોબાળો મચાવીને બેનરો સાથે સૂત્રોચ્ચાર કર્યા હતા.

                                                                                       Aar Paar / તમે સ્કૂલ ફી વધારાનો ઉકેલ આ રીતે લાવી શકો