ક્રાઈમની કહાની / સુરતના પાંડેસરામાં જમીન વિવાદમાં સગાભાઈને ફસાવવા માતા-પિતાએ પોતાના જ બાળક સાથે કર્યું આ કૃત્ય

• સુરતમાં માતા-પિતાએ જ કર્યુ કાવતરૂ
• પોતાના બાળકને ગુમ કરી દીધું
• રચ્યું અપરહણનું તરકટ

લોકો પોતાના સ્વાર્થ માટે અથવા તો કોઈ વસ્તુ હાંસલ કરવા માટે કેટલી હદે જઇ શકે છે, તેવો કિસ્સો સામે આવ્યો છે. સુરતના પાંડેસરા વિસ્તારમાં જમીન વિવાદમાં સગાભાઈને ફસાવવા માતા-પિતાએ પોતાના જ બાળકનું અપહરણનું નાટક કર્યું હતું. જેમાં પોલીસનો જીવ તાળવે ચોટી ગયો હતો. સ્થાનિક પોલીસ બાળક ગુમ થયાના મેસેજ મળતા પોલીસ કામે લાગતી ગઇ હતી. પરંતુ હકીકત એવી છે કે, બિહારમાં આરોપીના ભાઈ સાથે ચાલતા જમીન વિવાદમાં પિતાએ પોતાના જ દસ વર્ષના બાળકના અપહરણ થયું હોવાનું નાટક કર્યું હતું.

પોતાની પત્ની સાથે મળી અને સગા ભાઈને ફસાવવાનો તખ્તો ગોઠવ્યો હતો. પોલીસ દ્વારા સઘન શોધખોળ કરી પણ બાળક મળી આવ્યું ન હતું. અંતે પોલીસે તપાસ દરમિયાન બાળકના પિતાજી ચંદનસિંગ પર શંકાના આધારે સઘન પૂછપરછ કરતા ચોંકાવનારી હકીકત સામે આવી છે. જેમાં પિતા ચંદનસિંગનો તેમના ભાઇ લવકુશસિંગ સાથે મુળ વતન બિહારમાં જમીનને લઇને ઝઘડો ચાલી રહ્યો છે. ભાઇ લવકુશને પોતાના જ દીકરાના અપહરણમાં ફસાવી દેવા આવું ષડયંત્ર કરવામાં આવ્યું હતું. દિકરાને માતાની સાથે કામ કરતી મહિલાના ઘરે મોકલી આપ્યો હતો. અંતે બાળક મળી આવતા ગુમ થયેલા બાળકના ગુનાનો ભેદ ઉકેલવામાં પોલીસ સફળ રહી છે. માતા-પિતા વિરૂધ્ધ કાયદેસરની કાર્યવાહી કરવામાં આવી છે.